Erkeǵalı Rahmadıev atyndaǵy memlekettik akademııalyq fılarmonııasy sahnasynda Qazaqstannyń eńbek sińirgen qaıratkeri, dırıjer, kompozıtor Álı Alpysbaevtyń «Elge arnaý» atty shyǵarmashylyq keshi ótti. Atalǵan konsert Jetisý oblystyq fılarmonııasynyń uıymdastyrýymen ótip otyr.
Mádenı sazdy keshti elimizdegi iri eki orkestr súıemeldedi. Aıtqalı Jaıymov jetekshilik etetin qazaq orkestri, dırıjeri – Nurlan Bekenov jáne Ádil Bestembekovtiń basqarýyndaǵy sımfonııalyq orkestr. Bas dırıjeri Qalqaman Dúısebaev.
Kompozıtordyń týyndylaryn tanymal óner qaıratkerleri – Meıir Baınesh, Svetlana Aıtbaeva, Araılym Rahymqyzy, Janar Júsipova, Botagóz Tashımova, halyqaralyq jáne respýblıkalyq baıqaýlardyń laýreattary Ásem Sembına, Shynar Karımova, Aıgerim Amanjolova, Jámıla Dalısheva, Altynbek Ábilda oryndady.
Kórermenniń kóńilin terbetken sazdy kesh júrekke jyly áser qaldyrǵan áýenderge toly boldy.