Almatydaǵy Arbatta ótetin dástúrli qolónershiler kórmesiniń aıasy jyldan-jylǵa keńeıip keledi. Sońǵy 25 jylda Jibek jolynyń boıynda jármeńkeniń kórigi qyzyp, Almaty qolónershiler palatasy osy ıgi sharany jaqsartý men sheberlerdiń tabys tabýyna qolaıly jaǵdaı qarastyryp otyr.
Bul joly da kórme alańy otandyq qolónershilermen qatar О́zbekstan, Qyrǵyzstan sheberleriniń buıymdarymen tolyqty. Kóshe boıyn alqyzyl kórkem týyndylar alańyna aınaldyrǵan sheberler kelýshilerdi Shyǵys jaýharyna aınalǵan qundy jádigerlerdiń tarıhymen, jasalý ádisterimen tanystyryp, qyzyqty aqparat berýge tyrysady.
Keıingi jyldary tutynýshylar tarapynan joǵary suranysqa ıe bola bastaǵan qolóner buıymdaryn shetel naryǵyna shyǵarýdyń menedjmenti jasalyp, sala janashyrlary ata-baba kásibin zamanaýılandyrý, tabys kózine aınaldyrý tetikterin qarastyryp otyr. Osy oraıda jaqynda Dýbaıda ótken «Ready4Trade Ortalyq Azııa» jobasy osy baǵytta jasalǵan is-sharalardyń biri retinde belgili. Konferensııa alańynda Ortalyq Azııadaǵy elektrondy kommersııany damytý máselesi talqylanyp, otandyq qolónershilerdiń NOVICA habyna qosylý múmkindikteri qarastyrylǵan bolatyn. Bul otandyq sheberlerdiń halyqaralyq saýda keńistigine shyǵýymen qatar, saýda alańdaryn keńeıtýge, Ortalyq Azııadaǵy ınklıýzıvti ekonomıkany damytýǵa múmkindik beretin bolady.
ALMATY