Memleketter arasyndaǵy odaqtardy pragmatıkalyq jáne ıdeologııalyq dep bólip qarastyrýǵa bolady. Qazaqstan-Ázerbaıjan qarym-qatynasy osy pragmatıkalyq odaq údesinen shyǵyp otyr. El arasyndaǵy yqtymaqtastyqtyń ekinshi tynysy ashylǵan dál osy sátte sımvoldyq mánniń aıtarlyqtaı kóp ekeni baıqalady. Onyń ústine Máskeý memlekettik halyqaralyq qatynastar ınstıtýtynyń eki túlegi – Qasym-Jomart Toqaev pen Ilham Álıev arasyndaǵy sabaqtastyq ta óz jemisin berip keledi.
Ázerbaıjan prezıdentiniń Astanaǵa sapary ózge de halyqaralyq baılanystardyń qasynda – eki kóshbasshynyń da barlyq kelisimdi logıkalyq turǵyda sońyna deıin jetkizýge degen nıetiniń tikeleı nátıjesi. Geosaıası jaǵdaı turǵysynda túbegeıli máni bar keminde úsh baǵyt bar: munaı tasymaldaý, Kaspıı tabanynda baılanystyń talshyqty-optıkalyq jelisin tóseý jáne birinshi kezekte ınflıasııalyq qysymdy tómendetý úshin taýar eksporty men ımportyndaǵy yntymaqtastyq. Bul jobalardyń báriniń ekzıstensıaldyq sıpaty bar. Olar óńirdegi ekonomıkalyq seriktesimizge buryn-sońdy bolmaǵan sanksııalar qysymynyń jaǵdaıynda mańyzdy logıstıkalyq jáne aqparattyq arnalardy ártaraptandyrý úshin qajet. Osy rette túrki renessansy ıdeologııalyq qubylys retinde tarıh sahnasyna qaıta shyqty deýge negiz bar.
Elimizdiń Eýrazııanyń iri oıynshylary – Qytaı, Reseı jáne EO-men ózara qarym-qatynas sapaly deńgeıde qalyptasqan. Buǵan ótken jyly kóz jetkizdik. Bul biz úshin syrtqy saıasatymyzdaǵy Túrki elderiniń baılanysyn qalypqa keltirýdiń bastaýy boldy.
Nıkıta ShATALOV,
Parlament Májilisiniń depýtaty