Qazaqstandyq sınoptıkter 14 sáýirge arnalǵan aýa raıy boljamyn usyndy, dep habarlaıdy Egemen.kz.
Mamandardyń boljaýynsha, soltústikte, soltústik-batysta, ortalyqta jańbyr sońy qarǵa ulasady. Soltústikte, soltústik-batysta kóktaıǵaq, jaıaý burqasyn kútiledi, ońtústikte shańdy daýyl turyp, naızaǵaı oınaıdy, batysta, ortalyqta naızaǵaı oınap, burshaq jaýady.
Sondaı-aq respýblıka boıynsha jeldiń kúsheıýi men tuman boljanady.
«Aqmola oblysynyń soltústik-batysynda, ońtústiginde, Qostanaı oblysynyń ortalyǵynda, ońtústiginde, shyǵysynda, kúndiz batysta, Aqtóbe oblysynyń soltústiginde qatty jaýyn-shashyn (jańbyr, qar) boljanady. Kúndiz Batys Qazaqstan oblysynyń soltústiginde, shyǵysynda, Atyraý oblysynyń soltústiginde qatty jańbyr jaýady», delingen «Qazgıdromet» RMK habarlamasynda.
Astanada kóshpeli bul shyǵady, jańbyr, keshke qaraı qatty jańbyr qarǵa ulasyp, kóktaıǵaq bolady. Soltústik-shyǵysqa aýysatyn ońtústik-batys jeldiń kúshi 9-14, kúndiz ekpini 17-22 m/s bolady. Aýa temperatýrasy túnde jáne kúndiz +5 + 7°S, kúndiz odan ári tómendeıdi.
Almatyda kóshpeli bult shyǵady, dese de kún jaýyn-shashynsyz ótedi. Túnde aýa temperatýrasy +11+13°S, kúndiz +26+28°S.
Shymkentte de kóshpeli bult shyǵady, jaýyn-shashyn bolmaıdy. Ońtústiken, ońtústik-batystan soǵatyn jeldiń ekpini 8-13, kúndiz 15-20 m/s bolady. Aýa temperatýrasy túnde + 13 + 15°S, kúndiz + 31+33°S.