Qostanaıda áýesqoı shahmatshylar arasynda ashyq týrnır ótti. Jarysty «Shahmat oıyny» respýblıkalyq chellendji aıasynda oblystyq bilim basqarmasy jáne balalar men jasóspirimderge arnalǵan shahmat mektebi uıymdastyryp otyr.
Bilim basqarmasy ókilderiniń aıtýynsha, shahmat sportyn nasıhattaý maqsatyndaǵy týrnırler – Oqý-aǵartý mınıstrliginiń «9 aı – 9 is-shara» tujyrymdamasy sheńberinde búkil respýblıka kóleminde qolǵa alynyp jatqan shara.
70 shahmatshy qatysqan týrnır Qostanaıdyń ortalyq alańynda saǵat 12:00-de bastaldy. Dál osy ýaqytta qalanyń búkil mektepteri men kolledjderindegi oqýshylar men ustazdar da sharshy taqta saıysyna otyrdy. Oıyndar rapıd júıesi boıynsha ótti. Bul ereje boıynsha júriske shekteýli ýaqyt beriletindikten, kóbine oıy ushqyr oıynshy ozyq shyǵyp, partııa tez aıaqtalady. Utqan adam eki upaı enshilese, teń túskenderdiń esebine bir upaıdan jazylady.
– Jalpy, shahmat adamnyń aqyl-oıyn shyńdaıtyn buqaralyq sport túrine jatady. Búginde Astana tórinde ótip jatqan álem chempıonaty jahan jurtshylyǵynyń nazaryn aýdaryp otyr. Osy chempıonat qarsańynda Qostanaıda ótip jatqan respýblıkalyq chellendj elge eń aqyldy oıyndy nasıhattaýdy kózdeıdi, – deıdi shahmattan oblystyń aǵa jattyqtyrýshysy Amangeldi Oralbaev.
Qostanaı oblysy