Sársenbi jáne beısenbide fýtboldan ÝEFA Chempıondar lıgasynyń alǵashqy shırek fınaldyq oıyndary ótti.
Tumandy Albıon elinde tolassyz jańbyr jaýǵanyna qaramastan, «Bavarııaǵa» qarsy kezdesýde «Manchester Sıtı» tamasha oıyn órnegin kórsetti. 27-mınýtta Rodrı esep ashsa, ekinshi kezeńde Bernard Sılva men Erlıng Holland bir-bir retten dopty torda týlatty – 3:0. Bul básekede nemister tym qaýqarsyz kórindi. Kezdesý aıaqtalǵannan keıin mıýnhendik klýbtyń oıynshylary arasynda janjal týyndaǵan desedi. Keıbir aqparat kózderine sensek, kıim aýystyratyn bólmede Sadıo Mane Leroı Sanege soqqy jumsap, ernin jyryp jibergen kórinedi.
Lıssabonda «Benfıka» «Mılanǵa» ese jiberdi – 0:2. 51-mınýtta Nıkola Barella gol soqsa, 82-mınýtta Romelý Lýkaký penaltıdi múltiksiz oryndady. Madrıdtegi áıgili «Santıago Bernabeý» stadıonynda «Real» «Chelsıdiń» qaqpasyna jaýapsyz eki gol saldy – 2:0. Italııanyń qos komandasy – «Mılan» men «Napolı» arasyndaǵy básekeniń taǵdyryn 40-mınýtta Ismael Bennaser soqqan jalǵyz dop sheshti – 1:0.