Buqaralyq sportty damytýǵa baǵyttalǵan Memleket basshysynyń tapsyrmasyn oryndaý maqsatynda Qazaqstan fýtbol federasııasy elimizde fýtbol alańdaryn qaıta jańartý baǵdarlamasyn engizedi.
QFF baspasóz qyzmetiniń málimeti boıynsha, baǵdarlama 2023-2024 jyldar aralyǵynda FIFA jáne ÝEFA-nyń qoldaýymen júzege asyrylady. Sonymen qatar baǵdarlama aıasynda aımaqtyq atqarý organdaryna buqaralyq fýtbolǵa arnalǵan jáne bıýdjeti tómen fýtbol alańdarynyń qurylysy úshin jasandy alań qaıtarymsyz negizde tóseledi.
«Baǵdarlamanyń negizgi maqsaty – balalar-jasóspirimder jáne buqaralyq fýtboldy damytý ári nasıhattaý jolynda qyzmet atqaratyn aımaqtarǵa qoldaý kórsetý. Eń aldymen halyq kóp qonystanǵan aımaqtarda renovasııany qajet etetin fýtbol alańdary engiziledi. Joba fýtbol alańdaryn qaıta jandandyryp qoımaı, elimizde buqaralyq fýtboldy damytýǵa úlken kúsh beredi», deıdi QFF prezıdenti Ádilet Barmenqulov.
Qazaqstan fýtbol federasııasy fýtbol alańdary úshin standarttar men talaptardy ázirledi. Jobaǵa qatysý úshin jergilikti atqarý organdarynyń atynan sport nysandarynyń basshylary QFF-ǵa 2023 jyldyń 15 mamyryna deıin ótinish bildirýge tıis.
Barlyq suraq boıynsha kelesi nómirge habarlasyńyzdar: +7 (7172) 79-07-80.