Qyzylordada fýtbol týrnırinde tóbeleske qatysqandar polısııaǵa jetkizildi, dep habarlaıdy Egemen.kz.
Áleýmettik jelilerde jasóspirimderdiń bir-birin soqqyǵa jyǵyp jatqandyǵy týraly beınejazba tarap jatyr.
Oqıǵa 13 sáýir kúni oblys ortalyǵyndaǵy mektepterdiń birinde fýtbol alańynda oryn alǵan. Medısınalyq kómekke júgingender joq.
Atalǵan derek Qyzylorda qalalyq PB-nyń sotqa deıingi tergep-tekserýdiń biryńǵaı tizilimine QR QK 293 - baby boıynsha tirkelip, tergeý júrgizilýde.
Mán-jaıdy anyqtaý maqsatynda tóbeleske qatysýshylar polısııaǵa jetkizildi. Olardyń is-áreketterine quqyqtyq baǵa beriledi.
Sonymen qatar qatysýshylar arasynda janjal týyndaǵan sporttyq týrnırdiń uıymdastyrýshylary da polısııaǵa jetkizildi.