Ramazan aıynda Qadir túnin barynsha qulshylyqpen ótkizgen durys. Biraq uıyqtamaı ótkizý mindetti emes. Bul týraly Qazaqstan musylmandary dinı basqarmasy jazdy, dep habarlaıdy Egemen.kz.
«Ramazan orazasyna qatysty pátýalar» kitabynan keltirilgen derekke sensek, Aısha anamyz: «Alla elshisi tań atqansha túndi (barlyq bóligin) namazben ótkizgen emes» deıdi.
Paıǵambarymyz (s.a.s) taǵy bir hadısinde: «Senderge myna aı keldi. Bul aıda myń aıdan artyq tún bar. Kimde-kim osy túnniń jaqsylyǵynan maqurym qalsa, jaqsylyq ataýynan qur qalǵany. Onyń jaqsylyǵynan tek qana naǵyz maqurym adam ǵana qur qalady» degen.
«Sondyqtan musylman adam barynsha osy túndi qulshylyqpen ótkizip, saýaptan qur qalmaýǵa tyrysýy qajet. Al sharshasa, kishkene tynyǵyp, keıin ary qaraı qulshylyǵyn jalǵastyrýdyń oqasy joq», delingen «Ramazan orazasyna qatysty pátýalar» kitabynda.