«Neke tour» jeńimpazdary

Almaty, Oral, Qaraǵandy, Sátbaev, Astana, Shymkent, Qyzylorda, Aqtóbe, Taraz jáne Túrkistan qalalarynan kelgen jeńimpazdarǵa alǵashqy kúni romantıkalyq keshki as, fotosessııa jáne mádenı baǵdarlama uıymdastyrylsa, erteńine olar qala mańyndaǵy kıeli jerlerge zııarat etti. «Bıyl Ramazan aıymen tuspa-tus kelip otyrǵan «Qozy Kór­pesh – Baıan sulý kúni» qasıetti shaharda erekshe formatta atap ótilýde. Osy merekege oraı uıymdastyrylǵan «Neke tour» respýblıkalyq baı­qaýy qoǵamnyń erekshe qyzyǵýshylyǵyn týdyrdy. El kóleminde alǵash ret uıym­­das­tyrylǵan jobaǵa 345 jup ótinim berip, baıqaýdyń ma­ńyz­dylyǵyn arttyrdy. Bul otaý qurǵan juptardyń senim­di, mahabbatty serik etken beriktigi men qasıetti Túrkis­tanǵa degen qurmeti dep bilemin», degen Túrkistan oblysy mádenıet jáne týrızm bas­qarmasy basshysynyń oryn­­basary Ádil Qonysbekov baıqaý jeńim­pazdaryn marapattady.

Eske sala keteıik, atalǵan baıqaýdy mádenıet jáne týrızm basqarmasynyń «Open Turkistan» týrıstik-aq­­pa­rattyq ortalyǵy ja­rııa­­la­ǵan bolatyn. Baıqaý shart­tary boıynsha, 3-9 sáýir ara­lyǵynda erli-zaıypty juptar neke-turkistan.kz portaly arqyly qatysýǵa onlaın-ótinim jol­daǵan. Baıqaý sharty boıynsha jasy men turǵan óńirine qara­mastan endi ǵana úı bolǵan jas jubaılar jáne buryn úılengen erli-zaıypty juptar qatysa aldy. «Sha­ńyraq», «Mahabbat», «Arý» jáne «Jan­uıa» atalymdary boıyn­sha je­ńim­pazdar anyqtaldy. Al baı­qaýdyń bas júldesi – neke qııý rásimin ótkizý úshin elimizdiń rýhanı astanasy Túr­kistanǵa ro­mantıkalyq saıahat jasaý. «Baıqaý týra­ly bilip, kóp­tegen erli-zaıyp­ty jup qatysýǵa ótinim ji­ber­genine qýanyshtymyz. Mundaı bel­sendilik jastardyń óz hal­­qynyń mádenı jáne rý­hanı qundylyǵyna degen qur­meti, sol salt-dás­túr­men ómir sú­rýge degen qulshynysy baı­qalady. Neke qııý rásiminiń qasıetti mán-maǵynasy baıan­dy ári ba­qytty otbasylyq ómirge jaq­sy negiz bolady», deıdi uıym­dastyrýshylar.

Sondaı-aq bul kúni ob­lys­­­tyq «Farab» ámbebap ǵyly­mı kitaphanasynyń uıym­­­­­­das­tyrýymen ǵashyqtar kúnine oraı «Mahab­bat sere­nadasy» at­ty poezııa keshi ótti. Kesh keıip­­kerleri – jas aqyn­dar syrly óleńderin oqyp, kórermenge lı­rı­kalyq kóńil-kúı syılady.

TÚRKISTAN