Immýn tapshylyǵy: úmit pen úreı

«AITV nemese adamnyń ımmýn tapshylyǵy – ımmýndyq jú­ıe jasýshalaryna shabýyl jasaı­tyn vırýs. Ol aǵzanyń qor­ǵa­nys júıe­si­ne jaýap beretin T-helperlerdi jo­ıyp, olardyń ornyn ózderiniń kóshirmesimen toltyrady. Vırýs qansha kóp tarasa, adamnyń ım­mýnıteti de sonshalyqty álsiz bolady. Son­dyqtan retrovırýsqa qar­sy terapııa qabyldamaǵan naýqas jıi syrqattanady», deıdi Jambyl ob­lystyq JITS-ke qarsy kú­res jáne aýrýdyń aldyn alý or­ta­lyǵynyń bas dárigeri Aıbek Isaev.

Onyń aıtýynsha, boıyn dert meńdegen azamat ýaqtyly emdelmegen jaǵdaıda AITV ımmýn tap­shylyǵy sındromyna, anyǵyraq aıtsaq, JITS-ke ula­sady eken.

«Bul aýrý ár kezeńde ártúrli sımptomǵa ıe bolady. Vırýs juq­tyrǵannan keıin alǵashqy 2-4 aptada naýqastyń 40-90 paıyzy ózin sýyq tıgendeı sezinedi. Del-sal bolyp, tamaǵy aýyrady, tońady, denesi qyshıdy, aýyz qýysynda jara paıda bolyp, lımfa bezderi ulǵaıady. Testiń bári bolmasa da, kópshiligi vırýs arqyly bólinetin antıdenelerdi anyqtaı alady. Jalpy, azamattar ár jarty jylda nemese jylyna bir ret JITS-ke test tapsyrýdy ádetke aınal­dyr­­ǵany jón. Onyń ústine azamattar tekserýdiń bul tú­rinen tirkelgen emhanasy ar­qyly tegin óte alady», deıdi dáriger.

Mamandardyń aıtýynsha, ımmýn tapshylyǵy vırýsyn em­deýge múmkindik mol. Alaıda odan tolyq aıyǵyp ketý múmkin emes. Retrovırýsqa qarsy kú­sheı­tilgen terapııa arqyly vırýs juqtyrǵan pasıentterdiń ómi­rin 70-80 jasqa deıin uzartýǵa bo­lady. Atalǵan terapııa jasý­shadaǵy aqýyzdarǵa áser etetin fer­mentterdiń qyzmetin álsi­re­tedi. Nátıjesinde, ımmýn tap­­shylyǵy JITS-ke aınalmaıdy.

Jambyl oblystyq JITS-ke qarsy kúres jáne aýrýdyń al­­dyn alý ortalyǵynyń bas dári­geri A.Isaevtyń aıtýynsha, vı­rýs anyqtalǵan adam eń aldy­men JITS ortalyǵyna baryp tir­kelýi kerek. Esepte turǵan azamat­tar kepildendirilgen tegin medı­sınalyq kómek sheńberin­de ret­rovırýsqa qarsy tegin em ­alady. AITV juqtyrǵan ana­lardyń balalaryna arnalǵan taǵamdar men dári-dármek tegin beriledi.

«Adamdar jaqyndasýdyń al­dynda saqtyqty umytpaǵany jón. Al saqtanbaǵan jynystyq qatynastan keıin kúmándanǵan jaǵdaıda jaqyndasýǵa deıingi jáne jaqyndasýdan keıingi pro­fılaktıka sharalaryn paıda­lanǵan lázim. Retrovırýsqa qar­sy preparattar tenofovır jáne emtrısıtabın dep atalady. Bul ádis vırýs juqtyrý qaýpin 90 paıyzǵa deıin tómendetedi. Jalpy alǵanda, emdi jynystyq qatynastan keıin alǵashqy 72 saǵat ishinde bastap, dárilerdi 28 kún qabyldaý qajet. Adamnyń boıyndaǵy ımmýn tap­shylyǵy vırýsy – úkim emes. AITV juq­tyrǵannan keıin de ómir bar. Indet tyrnaǵyna ilingender de otbasyn quryp, dúnıege perzent ákele alady. Jaqyn adam dert juqtyrǵan jaǵdaıda keýdesinen ıtermeı, qoldaýǵa tyrysý kerek. О́ıtkeni naýqastyń kúızeliske toly bolatyn endigi ómirinde dostary men týystarynyń qoldaýy aýadaı qajet», deıdi A.Isaev.

Jambyl oblysy