Astana polısııa departamenti elordada bir táýlikte jol-kólik oqıǵasynan eki adamnyń zardap shekkenin habarlady, dep jazady Egemen.kz.
«Táýlik ishinde Astana joldarynda 144 jol-kólik oqıǵasy tirkelip, onyń saldarynan eki azamat zardap shekti. Jol-kólik oqıǵalary aýa raıy men kóktaıǵaq eskerilmeı, jyldamdyqty, ıntervaldy jáne qaýipsiz qashyqtyqty saqtamaý saldarynan oryn alady. Jol-kólik oqıǵasyna qatysýshylardyń barlyǵy jazǵy dóńgelektermen kele jatqan», dedi vedomstvonyń baspasóz qyzmeti.
Aýa raıynyń nasharlaýyna baılanysty kommýnaldyq qyzmet qar tazalaǵyshtardy paıdalandy.
«Júrgizýshilerdi abaı bolýǵa jáne jol boıyna kólikterdi qoımaýǵa, qoǵamdyq kólikterdiń qozǵalysyna kedergi jasamaýǵa jáne qar tazalaǵyshtardyń jumysyna kedergi jasamaýǵa shaqyramyz. Elorda turǵyndary men qonaqtarynan ótip jatqan sharalarǵa túsinistikpen qaraýdy suraımyz. Polıseıler barynsha kómek kórsetedi, táýlik boıy, onyń ishinde qaýipti aımaqtarda da qyzmet kórsetedi», dep eskertti polıseıler.
Sondaı-aq azamattardy qala syrtyna shyqpaýǵa jáne engizilgen kólik qozǵalysyna shekteýlerdi qadaǵalaýǵa shaqyrdy. Qar qalyń jaýyp, qar úıindilerinen jol belgileri kórinbeıdi. Júrgizýshilerge belgilerdi kesip ótkeni úshin aıyppul salynbaıdy dep ýáde berdi.
Eske salaıyq, Astanada qalyń qar jaýyp, jel soǵýyna baılanysty eskertý jarııalanǵan bolatyn. Qoǵamdyq kólikterde kidiris bar. Respýblıkalyq avtojoldardyń 15 ýchaskesi jabyldy. Mektep oqýshylary qashyqtan oqytýǵa kóshti.