ÚZDIK MURAJAILAR ANYQTALDY. Jeńistiń 65 jyldyǵyna oraı qaladaǵy Jaýyngerlik dańq murajaılary arasynda konkýrs ótkizilgen edi.
Jýyrda qalalyq ofıserler úıinde onyń qorytyndysy shyǵaryldy. Konkýrsqa 30 murajaı qatysty. Solardyń bári semeılikterdiń maıdandaǵy jáne tyldaǵy teńdesi joq erlikteri men qajyrly eńbekteri jóninde mol maǵlumattar jınaǵany birden ańǵarylyp turdy. Solardyń ishinen joǵary oqý oryndary boıynsha medısına akademııasyndaǵy Mánshúk Mámetova murajaıy, al kolledjder arasynda geologııalyq barlaý jáne kólik kolledjiniń, orta bilim ordalary boıynsha №30, 29, 43 mektepterdiń murajaılary jeńimpaz atandy. Sondaı-aq, birqatar qoǵamdyq uıymdar men mekeme, kásiporyndardaǵy jaýyngerlik dańq murajaılarynyń ıgi jumystary da atap ótildi. Jeńimpaz murajaılar baǵaly syılyqtarǵa ıe boldy.
Dáýlet SEISENULY. SEMEI.
“ELDIŃ KО́RKI — ELIMEN, OTAN KО́RKI — JERIMEN”. О́tken juma kúni “Nur Otan” HDP oblystyq fılıalynyń jetekshileri óńirde “Eldiń kórki – elimen, Otan kórki – jerimen” atty aksııanyń bastalǵanyn habarlady. Aksııa aıasynda aýdan, qala ortalyqtarynan bastap shaǵyn eldi mekenderge deıin kógaldandyrý, kóriktendirý jumystary qolǵa alynbaq. Ol jumystar “Eń kórkem aýyl”, “Eń kórkem kóshe” jáne “Sıqyrly saıabaq” sııaqty baıqaýlarǵa ulaspaq. Qazaqstan Respýblıkasynyń 20 jyldyǵyna deıin jalǵasatyn aksııanyń qorytyndysy Táýelsizdik kúni qarsańynda shyǵarylyp otyrmaqshy. Tarazdyq jasotandyqtar ıgi isti Qarahan mazary mańyndaǵy ásem baý men “Jeńis” saıabaǵynan bastaıtyndaryn jetkizdi.
Kósemáli SÁTTIBAIULY. Jambyl oblysy.
ARNAÝLY ÁNGE BAIQAÝ JARIIаLANDY. Bul kúnde kenshiler shaharynda “Bizder – qaraǵandylyqtar” festıvali ótip jatyr. Osy shara aıasynda “Qaraǵandy, saǵan arnaımyz ánimizdi” baıqaýy jarııalandy. Onyń negizgi talaby boıynsha qala týraly án tańdalyp alynady. Buǵan bastamashy bolýshylardyń biri Álııa Shoshaqovanyń uıymdastyrýymen jergilikti tele jáne radıo arnalar arqyly atalǵan taqyrypqa arnalǵan ánder jurtshylyqqa tanystyrylýda. Baıqaý qorytyndysy 10 maýsymda shyǵarylady. Qala turǵyndarynyń qatysýymen tańdalǵan án aldaǵy úlken merekelik sharalardyń birinde shyrqalady. Ol qala ánuranyna aınalady. Sózin jazýshy men ánin shyǵarýshyǵa jáne alǵash oryndaýshyǵa arnalǵan júlde jeńimpazdaryn kútip tur.
Aıqyn NESIPBAI. QARAǴANDY.
ÁÝE JOLY QATYNASY QAITA ORNADY. Sársenbiniń sátindegi tańǵy saǵat 4.55-te Qostanaıǵa Máskeýden “Boıng-737” jolaýshylar ushaǵy kelip qondy. Bul qostanaılyqtardyń eki jyldan beri kútken qýanyshy edi. Reseı astanasymen Qostanaıdyń arasyn úsh-aq saǵat etip jalǵaǵan “Transaero” avıakompanııasy basshylarynyń aıtýynsha, jolaýshylar ushaǵy tek naýqandyq emes, eki ortaǵa jyl boıy qatynaıtyn bolady. Tańerteńgi saǵat 6.15-te qaıta ushyp ketetin ushaq Máskeýge qolaıly kezde jetedi. Jolaýshylar Reseıdiń ózge qalalary men Eýropaǵa, Azııaǵa ushatyn ushaqtarǵa erkin úlgeredi. Eki jyl úzilisten keıingi alǵashqy jolaýshylar ushaǵyn aeroportta oblys ákiminiń orynbasary Vıktor Meıster kútip alyp, “Transaero” kompanııasynyń dırektory Dmıtrıı Erzakovıchke halqymyzdyń dástúrimen syı-sııapat jasady. Jolaýshy ushaǵy Qostanaıǵa sársenbi, jeksenbi kúnderi qatynaıdy.
Názıra JÁRIMBETOVA. QOSTANAI.
ALYSTY JAQYNDATQAN GERMANIIа. Taldyqorǵan qalasyndaǵy Sáken Seıfýllın atyndaǵy ámbebap kitaphanada Germanııanyń Qazaqstandaǵy jylyna oraı “Alysty jaqyndatqan Germanııa” atty ádebı kesh uıymdastyryldy. Keshte “Vıderbýrg” qoǵamynyń ókili Lıýdmıla Iterman Germanııanyń keshegisi men búgini jaıly syr shertken mazmundy áńgimesin beınebaıan materıaldarymen tolyqtyrdy. “Ardager ájeler” ansambli eki el arasyndaǵy jarasymdy rýhanı jalǵastyqty Abaı men Geteniń úndestiginen tabatyn shyǵarmalarmen aıshyqtady. Halyqtyń rýhanı jaǵynan shyńdalýyna baǵyttalǵan basqa da máseleler jalǵasyn taýyp, ultaralyq tatýlyq pen halyqtar dostyǵyn nyǵaıtý jáne osy sezimderdi jas urpaqtyń júregine uıalatý baǵytyndaǵy sharalardan oqyrmandar ádemi áser aldy.
Kúmisjan BAIJAN. Almaty oblysy.
ChEMPIONDARǴA QURMET KО́RSETILDI. Osydan birer aı buryn О́skemende qysqy sport túrlerinen elimizdegi joǵary oqý oryndary arasynda Ýnıversıadanyń aıaqtalǵany belgili. Onda Beıbit Mamraev jetekshilik etetin S.Amanjolov atyndaǵy Shyǵys Qazaqstan memlekettik ýnıversıtetiniń stýdentteri 32 joǵary oqý oryndary arasynda qara úzip, top jarǵan-tyn. Atap aıtqanda, olar 63 altyn, 16 qola medaldi jeńip alǵan edi. Jeńimpazdardy marapattaý rásimi ótti. Vankýverde eki birdeı besinshi oryndy jeńip alǵan A.Poltoranın, atalmysh oqý ornynyń túlekteri R.Savıskıı, S.Cherepanov, I.Zakýrdaev, taǵy basqalarǵa altyn alqa tapsyryldy. Almatydan kelgen ulttyq ortalyqtyń jaýapty qyzmetkeri S.Áýbákirov, birinshi prorektory Ǵ.Ádilǵazınov jeńimpazdardy marapattap, chempıondar qurmetine ánnen shashý shashyldy.
Ońdasyn ELÝBAI. О́SKEMEN.
“AQMOLA JULDYZDARY” MÁREGE JETTI. Kókshetaýda toǵyzynshy ret ótkizilgen “Aqmola juldyzdary” halyq shyǵarmashylyǵy baıqaýynyń qorytyndysy shyǵaryldy. Uly Jeńistiń 65 jyldyǵyna arnalǵan aýmaqtyq óner saıystaryna tórt jas pen 80 jas arasyndaǵy 34 myńǵa jýyq adam qatysty. Kórermen jańadan qurylǵan 93 ujym men sahnaǵa birinshi ret shyqqan 80 ánshiniń umtylystaryn baǵalaýǵa múmkindik aldy. Sońǵy toǵyz jylda baıqaýdyń marapattaý qory da aıtarlyqtaı ulǵaıdy. Bul án men jyrdyń ólkesinde kópetnosty halyqtyq ónerge úlken mańyz artylatynyn bildiredi. Ony “gran-prı” jeńimpazdary atanǵan Arshaly aýdany men “Kókshetaý” mádenıet saraıy ujymdarynyń árqaısysyna “GAZel” shaǵyn avtobýstary tapsyrylýynan ańǵarýǵa bolady.
Baqbergen AMALBEK. Aqmola oblysy.