Jańaózende eki qabatty turǵyn úıde bolǵan jarylystyń sebebi anyqtaldy, dep habarlaıdy Egemen.kz.
«17 sáýirde túngi saǵat 04:05 shamasynda Jańaózen qalasy, Shuǵyla móltek aýdanynda ornalasqan 2-qabatty úıde gazdyń aǵýy saldarynan jarylys boldy. Atalǵan fakti QR QK-niń 292-babynyń 3-bóligi boıynsha tirkelip, sotqa deıingi tergep-tekserý bastaldy», dedi Mańǵystaý oblystyq prokýratýrasynyń baspasóz qyzmeti.
Qazir atalǵan is boıynsha oblys prokýratýrasymen prosestik prokýrorlar toby aıqyndalyp, oblystyq TJD jáne PD basshylarynyń birlesken buıryǵy negizinde vedomstvoaralyq jedel-tergeý toby qurylǵan.
Sotqa deıingi tergep-tekserý oblys prokýratýrasynyń baqylaýyna alynyp, tergeý áreketteri jalǵasyp jatyr.