Senat depýtattary Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men Túrikmenstan Úkimeti arasyndaǵy Qazaqstan-Túrikmenstan memlekettik shekarasynyń rejımi týraly kelisimdi ratıfıkasııalaý týraly» zańdy talqylady, dep habarlaıdy Egemen.kz
Kelisimniń maqsaty Qazaqstan men Túrkimenstan arasyndaǵy memlekettik shekara qatynastaryn retteý jáne quqyqtyq negizin belgileý bolyp tabylady. Kelisimde Qazaqstan-Túrkimen memlekettik shekarasynyń tártibi belgilendi jáne Qazaqstan Respýblıkasynyń ulttyq qaýipsizdigin odan ári nyǵaıtý kózdelip otyr.
Belgili bir erejeler men tártip, atap aıtqanda memlekettik shekarany kútip ustaý, adamdardy, kólik quraldaryn, júkterdi jáne ózge de múlikti shekara arqyly ótkizý, ushýlardy júzege asyrý, memlekettik shekarada, shekara beketterinde sharýashylyq jáne ózge de qyzmetti júrgizý, sondaı-aq shekaralyq oqıǵalardy sheshý memlekettik shekara tártibinde qamtylyp otyr.
Komıtet músheleri talqylaý nátıjesi boıynsha zańdy Palata otyrysynda qaraýǵa jiberý týraly sheshim qabyldady.