Shaıbaly hokkeıden Qazaqstan ulttyq quramasyna jańa bas bapker taǵaıyndaldy. Birer aıdan keıin Fınlıandııa men Latvııada jalaýy jelbireıtin álemdik dodaǵa jerlesterimizdi Ǵalym Mámbetálıev bastap barady.
Qazaqstannyń shaıbaly hokkeı federasııasy men «Barys» hokkeı klýbynyń kelisimi boıynsha, ádette ulttyq qurama tizginin elordalyq komandanyń tizginin ustaǵan maman jattyqtyrýǵa tıis bolatyn. Alaıda A.Skabelka Belarýs azamaty bolǵandyqtan, álem chempıonatyna jiberilmeıtini naqtylanyp, jýyrda ótken federasııanyń jıynynda mamyr aıyndaǵy álem chempıonatyna ulttyq quramany Ǵalym Mámbetálıevtiń jattyqtyratyny belgili boldy.
Endi ol jahandyq dodaǵa deıingi Koreıa quramasymen ótetin joldastyq kezdesýge, Reseı men Belarýs hokkeıshileriniń qatysýymen bolatyn týrnırge jáne 2023 jylǵy álem chempıonatynda ulttyq quramaǵa jetekshilik etedi.