Oqýshylar saraıynyń IýNESKO klýby Qoja Ahmet Iаsaýıdiń 930 jyldyq mereıtoıyna oraı qylqalam sheberleri jáne kásibı, áýesqoı fotograftar arasynda uıymdastyrǵan «Kóne men keleshek kópiri» atty halyqaralyq baıqaý márege jetti.
Túrkistannyń tarıhı mańyzyn ashyp, daryndy jastar shyǵarmashylyǵyna qanat bitirip, ulttyq qundylyqtarǵa degen erekshe qurmetin, eljandylyq, otansúıgishtik syndy patrıottyq sezimderin qalyptastyrý, áýesqoı fotograf mamandyǵyna jol ashý maqsatyndaǵy baıqaýǵa qatysýshylardyń jas erekshelikterine shekteý qoıylmady. Túrki áleminiń rýhanı astanasy – Túrkistannyń tarıhy men búgingi kórinisi beınelenetin týyndylar qabyldanǵan óner baıqaýy «Etnoaýyl» qalashyǵynda qorytyndylandy.
Baıqaýǵa Túrkistan, Qyzylorda oblystary men Almaty, Oral, Atyraý, Aqtaý qalalalarynan 30-dan astam fotograf pen sýretshi qatysqan. Erejege sáıkes baıqaýdyń marapattaý saltanaty eki baǵytta ótkizildi. Birinshisi – kóne jáne jańa Túrkistan kórinisinen syr shertetin fotosýretter bolsa, ekinshisi – rýhanı astananyń kelbeti beınelengen kartınalar. Nátıjesinde, «Fotosýret» atalymy boıynsha Serikbolsyn Sheri jeńimpaz atansa, Asyl Jumahanov ekinshi, Anton Lıshenko men Ulpan Ábdirahman úshinshi orynǵa ıe boldy. Al «Qylqalam sheberleri» atalymy boıynsha Temirbek Nurmashev jeńimpaz atandy, Murat Shahanbaev ekinshi jáne Serik Qınabaev pen Erjan Rysymbetov úshinshi oryn ıelendi. Jeńimpazdar men júldegerler arnaıy Alǵyshat jáne qarjylaı syılyqpen marapattaldy.
TÚRKISTAN