Qaraǵandy oblysynda aýa raıynyń nasharlaýyna baılanysty tasjol jabyldy. Bul týraly QazAvtoJol habarlady, dep jazady Egemen.kz.
«Qaraǵandy oblysynda aýa raıynyń kúrt nasharlaýyna baılanysty «Ekaterınbýrg-Almaty» tasjolynyń Jumabek aýylynan Aqsý-Aıýly aýylyna deıingi aralyǵynda avtokóliktiń barlyq túri úshin qozǵalys shekteldi», delingen habarlamada.
«Qazgıdromet» sınoptıkteriniń málimetinshe, búgin Qaraǵandy oblysynyń soltústiginde, shyǵysynda jaıaý burqasyn, kóktaıǵaq kútiledi. Oblystyń soltústiginde, ońtústiginde tuman túsedi. Batystan, soltústik-batystan jel soǵady, oblystyń soltústiginde, shyǵysynda ekpini 15-20 m/s kútiledi.