19 sáýirde Kýba halyq bıliginiń ulttyq assambleıasy (bir palataly parlament) qazirgi memleket basshysy Mıgel Dıas-Kanel Bermýdesti 2028 jylǵa deıingi merzimmen prezıdenttikke saılady, dep habarlaıdy Egemen.kz dw.com saıtyna silteme jasap.
Onyń prezıdenttikke saılanýyn otyrysqa qatysqan 462 depýtattyń 459-y qoldaǵan. Kýbanyń qazirgi vıse-prezıdenti Salvador Valdes Mesa taǵy bir merzimge qaıta saılandy. Úkimet quramy da bekitildi.
Kýbada 2019 jyly jańa konstıtýsııa qabyldanǵannan keıin prezıdenttik ınstıtýt qalpyna keltirildi. Mıgel Dıas-Kanel men Salvador Valdes Mesa 2019 jyldyń qazan aıynda prezıdent jáne vıse-prezıdent bolyp saılanǵan edi.
Sol jyly qabyldanǵan Ulttyq Jınalys reglamentine sáıkes, olardyń birinshi merzimdegi ókilettigi bes jyl emes, tórt jyl boıy – parlamenttiń jańa shaqyrylymy bastalatyn 2023 jylǵa deıin jaramdy boldy.