Burynǵy polısııa generaly Serik Kúdebaevqa qatysty tyń derekter aıtyldy. Bul týraly UQK Shekara qyzmetiniń dırektory Erlan Aldajumanov málim etti, dep habarlaıdy Egemen.kz.
UQK Shekara qyzmeti Qyrǵyzstanmen memlekettik shekarany kesip ótýge bolatyn jerde izdestirý jumystaryn júrgizip jatyr. Aldajumanov Senat kýlýarynda oǵan kómekteskender bolýy ábden múmkin ekendigin aıtty.
«Izdestirý jumystary jalǵasyp jatyr. Túsinesizder ǵoı, ol jerde taý jotasy 672 shaqyrym ǵana. Onyń ózi shyqqan jerde, taýda, eldi mekende sharýashylyǵy bar. Negizinde, ótkizýge kómekteskender de bolýy múmkin. Biz taýlar arqyly shyǵý nusqasyn qarastyryp jatyrmyz», dedi E. Aldajumanov.
UQK Shekara qyzmetiniń dırektory Bas prokýratýra qylmystyq is qozǵaǵanyn eske saldy.
«Qyrǵyzstandyq áriptester de atalǵan derek boıynsha qylmystyq is qozǵady. Bul iske Qyrǵyz Respýblıkasynyń Bas prokýratýrasy da jaýapty. Olar bizge ázirge aqparat bere almaıdy», dep túıindedi Erlan Aldajumanov.