Shahmattyń blıs túrinen eki dúrkin álem chempıony Bıbisara Asaýbaeva «Qazaqstan Respýblıkasynyń eńbek sińirgen sport sheberi» ataǵyn aldy. Jas shahmatshy qýanyshty habarmen óziniń Instagram paraqshasynda bólisti, dep habarlaıdy Egemen.kz.
«Meni quttyqtap qoısańyzdar bolady. Aldaryńyzda – shahmattan Qazaqstandaǵy jalǵyz Qazaqstan Respýblıkasynyń eńbek sińirgen sport sheberi», dep jazdy ol Instagram stories-te.
Shahmattan Qazaqstan Respýblıkasynyń memlekettik jattyqtyrýshysy Dastan Qapaev ta Bıbisara Asaýbaevany quttyqtady.
Bıbisara Asaýbaeva 2004 jyly Taraz qalasynda týǵan. 2019 jyly áıelder arasyndaǵy halyqaralyq grossmeıster atansa, 2020 jyly erler arasyndaǵy halyqaralyq sheber ataǵyn aldy.
Jas sportshy shahmattyń blıs túrinen 2021-2022 jyldary qatarynan eki ret álem chempıony boldy.
Aıta ketsek, 2021 jyly shahmattan álem chempıonatynda rapıd boıynsha kúmis júldeger atandy.