Qostanaıda «Altyn mıkrofon» halyqaralyq baıqaýy bastaldy. Osymen jıyrmasynshy ret ótip jatqan óner dodasyna elimizdiń ár óńirinen kelgen jas talanttarmen qatar, Ýkraına, О́zbekstan, Bolgarııa, Qyrǵyzstan, Belarýs memleketteriniń ókilderi qatysyp jatyr.
Baıqaýǵa qatysýǵa nıet bildirgen úmitkerlerdiń ótinishteri sáýirdiń basyna deıin qabyldanǵan. Qazylar alqasy irikteý kezeńine qatysqan 200-den astam úmitkerdiń ishinen fınalǵa 77 ánshini tańdap alypty. Olar jas erekshelikterine qaraı 7 men 23 jas aralyǵyndaǵy tórt topqa bólinip óner kórsetedi.
«Altyn mıkrofonnan» úmitker árbir ónerpaz estrada janrynyń kez kelgen baǵytyna tán eki án oryndaıdy. Qazaqstan ánshileri bir ándi mindetti túrde qazaq tilinde oryndaýy shart.
Quramyna ár elden kelgen belgili óner qaıratkerleri engen qazylar alqasyna Qazaqstannyń eńbek sińirgen qaıratkeri Jeńis Seıdollauly tórelik etedi. Baıqaýdyń ashylý saltanatynda quttyqtaý sóz sóılep, úmitkerlerge aq jol tilegen ánshi: «Jıyrma jyldyq tarıhy bar «Altyn mıkrofon» halyqaralyq baıqaýy – búginde Qostanaı óńiriniń ǵana emes, ónerge talaby bar barsha qazaq eliniń daryndy jastaryna dańǵyl jol ashatyn biregeı joba» dedi.
Uıymdastyrýshylardyń aıtýynsha, baıqaýdyń laýreattary men dıplomanttary arnaıy dıplomdarmen jáne aqshalaı syılyqtarmen marapattalady. Bas júlde ıegerleri Qazaqstanda, sondaı-aq Eýropa men Azııa elderinde ótetin dástúrli halyqaralyq baıqaýlardyń birine qatysý múmkindigine ıe bolady.
Qostanaı oblysy