Áıelder kúresinen Qazaqstan quramasy Ispanııanyń La-Nýsııa qalasynda «Jovenes Promesas» halyqaralyq týrnırinde on medal enshiledi, dep habarlaıdy Egemen.kz «Sportty damytý dıreksııasy» RMQK baspasóz qyzmetine silteme jasap.
Qýanysh Jaqsybaı baptaıtyn balýan qyzdar 8 altyn, 2 kúmis medal qanjyǵalady.
Atap aıtqanda, 50 kelidegi Ellada Mahıaddınova, Aıajan Marqasheva (53kg), Aınur Áshimova (55 kg), Nılýfar Raımova (57 kg), Gúldana Bekesh (59 kg), Tynys Dýbek (62 kg), Albına Qaıyrgeldınova (65 kg) jáne Anastasııa Panasovıch (72 kg) altynnan alqa taqty.
Irına Kýznesova (62 kg) men Ińkár Janataeva (76 kg) kúmis medal ıelendi.
Komandalyq esepte Qazaqstan quramasy ekinshi orynǵa kóterildi.