Ulttyq mýzeıdiń jańa eki zaly

Ashylý saltanatyna Máde­nıet jáne sport mınıstri Ashat Oralov, respýb­lıka­lyq jáne oblystyq mýzeı basshy­lary, ǵalymdar men qoǵam qaırat­ker­leri qatysty.

«Qolónershiler ortalyǵyn­da» eli­mizdiń zamanaýı sheber­leri jasaǵan úzdik sándik-qoldan­baly óner týyndylary jurt­shy­lyq nazaryna usynyldy. Uly Ji­bek joly boıyndaǵy kó­ne shaharlardyń kórkem úlgi­simen jasalǵan or­ta­lyqqa kelgen qonaqtar qolóner buıym­daryn tamashalap, unaǵan týyndylardy satyp alýǵa múmkindik aldy.

Al «Paleontologııa» zalynda Qazaq­stan aýmaǵynan tabyl­ǵan tırannozavr, úsh saýsaqty gıpparıon jylqysy, úlken mú­ıizdi buǵy, alyp múıiztumsyq (ındrıkoterıı), mamont sekildi ejelgi ta­rıhqa deıingi kezeń janýarlary men pa­leontolog­tar, geologtar tapqan basqa da tir­shilik ıeleriniń qańqalary jı­naqtaldy. Zamanaýı aqpa­rat­tyq qu­raldarmen jabdyq­talǵan orta­lyqty daıarlaý barysynda Parıjdegi Paleonto­lo­gııa mýzeıiniń, London men Berlındegi Jaratylys­taný mýzeıleri se­kildi álemdegi al­dyń­ǵy qatarly orta­lyqtardyń tájirıbeleri eskerilipti. Sony­men qatar zaldyń ǵylymı tu­jy­­­rymdamasyn daıyndaýǵa otan­­dyq jáne sheteldik tanymal pa­leontolog ǵalymdar tartylǵan.

«Paleontologııa zaly men qol­­óner sheberleri ortalyǵy­nyń ashy­lýy – Ult­tyq mýzeı úshin ǵana emes, búkil elimiz úshin ma­ńyzdy oqıǵa. Biregeı ekspozısııa kelýshilerge bizdiń zama­nymyzǵa deıingi elimizdiń tarıhyn kórsetip qana qoımaı, otandyq paleontologııa úshin mańyzdy orynǵa aınalatyny­na senimdimin. Al qolóner she­ber­leriniń ortalyǵy bizdiń sýret­shilerimizge ultymyzdyń baı máde­nıeti týraly málimdeme jasaýǵa, sándik-qol­danbaly óner sheberlerine ózara táji­rıbe al­masýǵa múmkindik beredi jáne jal­py elimizde mýzeı marke­­tın­gi men menedj­mentin damytý­ǵa qyzmet etedi», dep atap ótti Ashat Oralov.