«Kazgıdromet» RMK sınoptıkteri 25-27 sáýirge arnalǵan aýa raıy boljamyn usyndy, dep habarlaıdy Egemen.kz.
Aldaǵy kúnderi atmosferalyq bólimderdiń ótýine baılanysty batysta, ońtústikte, elimizdiń soltústik aımaqtarynda jańbyr kútiledi. Ońtústik-shyǵysta, 25-26 sáýirde shyǵysta túnde jaýyn-shashyn (jańbyr, qar), kúndiz jańbyr, 25-26 sáýirde ońtústik-shyǵysta qatty jaýyn-shashyn bolady. Elimizdiń qalǵan bóliginde Batys antısıklonynyń áserinen jaýyn-shashynsyz aýa raıy kútiledi.
Respýblıka boıynsha tuman, jeldiń kúsheıýi, batysta jáne ońtústik aımaqtarda naızaǵaı, shańdy daýyl, shyǵysta túnde kóktaıǵaq, ońtústik-shyǵysta kúndiz burshaq kútiledi.
Kúndiz aýa temperatýrasy batys óńirlerde 23-30 jylyǵa deıin, soltústik-batysta, soltústikte jáne elimizdiń ortalyǵynda 20-27 jylyǵa deıin, shyǵysta 15-23 jylyǵa deıin, ońtústikte 25-33 jylyǵa deıin, ońtústik-shyǵysta 17-25 jylyǵa deıin birtindep joǵarylaıdy.