3-13 mamyr aralyǵynda Ońtústik Koreıanyń Chındjý qalasynda aýyr atletıkadan Azııa chempıonatynyń jalaýy jelbireıdi.
2024 jylǵy Parıjde ótetin Olımpııa oıyndarynyń irikteý básekesi sanalatyn sary qurlyq dodasynda Qazaqstan quramasynan 20 sportshy qatysady. Atap aıtqanda, erler quramasynan álem jáne Azııa chempıony Arlı Chonteı (55 kg), sondaı-aq el birinshiligi men halyqaralyq týrnırlerdiń jeńimpazdary О́tepbergen Álıev (61 kg), Anatolıı Savelev (67 kg), Alekseı Chýrkın (73 kg), Elaman Seıitqazy (81 kg), Asyljan Bektaı, Sergeı Petrovıch (ekeýi de – 89 kg), Nurǵısa Ádiletuly, Artem Antropov (ekeýi de – 102 kg) jáne Andos Samarqanov (109 kg) bas júlde úshin talasady.
Al áıelder saıysynda Aınur Ábdiqalyqova (45 kg), Ekaterına Alıakına (55 kg), Alına Kolıýshko (59 kg), Karına Gorıcheva (64 kg), Araı Nurlybekova (76 kg), Aısha Omarova, Aıym Esjanova (ekeýi de – 81 kg), Dınara Qypshaqbaı (87 kg), Aısamal Sansyzbaeva, Lıýbov Kovalchýk (ekeýi de – 87 kılodan joǵary) el namysyn qorǵaıdy.