Onyń armany asqaq edi. Anasy da qyzyn toǵyzynshy synypty támamdaǵan soń qasyna alyp, bilimin kolledjde jalǵastyrýyn oılastyryp júrgen eken. Qatarynan qaldyrmaı, betinen qaqpaı ósirgen ata-ájesi de súıikti nemereniń tileýin tilep, úlken úmit artty. Átteń...
О́tkende Túrkistan oblysy Tórtkól aýylynyń turǵyndary kisi qolynan qaza tapty delingen Arýjan Orynbaevany sońǵy saparǵa shyǵaryp saldy. О́rimdeı qyzdyń óli denesi aýyldaǵy kanal boıyndaǵy jasandy bógetten tabyldy. Týystarynyń aıtýynsha, oqıǵa úı artyndaǵy kanal mańynda oryn alǵan. Qas qaraıa telefonmen sóılesip júrgen qyzdyń beınesi sol mańaıdaǵy kameraǵa túsip qalǵan. Keıinnen obektıvin órmekshiniń aýy torlap, kórinbeı qalypty. Ájesi Qurmankúl Salqynbekova úıdiń irgesindegi aryqtyń mańy ábden qan bolǵanyn, kúdiktiler qylmysyn jasyrý úshin qyzdy sýǵa tastaǵanyn aıtady.
Qaıǵyly oqıǵa mektep ujymyn da oıǵa qaldyryp otyr. Muǵalimder qaza tapqan qyzdyń da, ony óltirdi dep aıyptalyp otyrǵan sol mektepte oqıtyn uldyń da oǵash áreketi men ózara keriskenin kórmegenderin, kúdiktiniń jýas bolǵanyn aıtady. «Ol balanyń boıynan eshqandaı aýtodestrýktıvti minez-qulyq tabylmaǵan. Saýaldama qorytyndysy boıynsha ol ózi sál qorqaqtaý bala, odan bir qylmys shyǵady dep biz múldem oılamadyq», deıdi Tórtkúl orta mektebi dırektorynyń tárbıe isi jónindegi orynbasary Qanat Qospanov. Al Arýjannyń týystary tergeý ádil júrgizilgenin, órimdeı qyzdy óltirgender zań júzinde tıisti jazasyn alǵanyn qalaıdy. Kúdiktiler jazadan jaltaryp kete me dep qorqatynyn da jasyrmaıdy. Sebebi ustalǵandardyń biri eks-ákimniń uly eken.
Sońǵy kezderi jasóspirimder arasynda jıilegen álimjettik, býllıng, kemsitý, tipti sońy aýyr qylmyspen aıaqtalyp jatqan oqıǵalar kópshilikti alańdatyp otyrǵany anyq.
Túrkistan oblysy