Qasym-Jomart Toqaev saıası partııalarmen memlekettik organdardyń ózara qarym-qatynasyn kúsheıtý kerektigin aıtty, dep habarlaıdy Egemen.kz Aqordanyń baspasóz qyzmetine silteme jasap.
«Assambleıanyń saıası partııalarmen jáne memlekettik organdarmen ózara qarym-qatynasyn kúsheıtý kerek. Bul jumysty ortalyqta jáne aımaqtarda júrgizgen jón. Biz aýqymdy saıası reformalardyń nátıjesinde shynaıy pikir alýandyǵyna qol jetkizdik. Árıne, ár saıasatkerdiń óz pikiri bolýy oryndy. Elimizdi damytý, kúndelikti máselelerdi sheshý týraly kózqarastar únemi birdeı bola bermeıdi. Bul – túsinikti. Alaıda el birligin saqtaýǵa kelgende biz judyryqtaı jumyla bilýimiz kerek. Etnosaralyq kelisim saıasatynda sóz ben is bir jerden shyǵýǵa tıis», dedi Memleket basshysy.
Osy rette ol Assambleıa saıası partııalarmen aqyldasyp, keńesip otyrýy qajet ekenin aıtty. Sonda el birligi nyǵaıa túsedi. Etnosaralyq qatynasqa qatysty kez kelgen arandatýdyń joly kesiledi.