Oblystyq jedel járdem stansııasynyń málimetinshe, apat jaıly qońyraý 27 sáýir kúni saǵat 09:56-da túsken, dep habarlaıdy Egemen.kz Pavlodarnews.kz-ke silteme jasap.
Jol apaty saldarynan bes adam zardap shekti. Birinshi qalalyq aýrýhanaǵa 36 jastaǵy er adam men 33 jáne 25 jastaǵy eki áıel adam jetkizildi. Taǵy eki adam, 36 jastaǵy áıel men bes jasar balany aýrýhanaǵa jatqyzý qajet bolmady.
Oblystyq densaýlyq saqtaý basqarmasy habarlaǵandaı, 33 jastaǵy áıel júktiliktiń 16-shy aptasynda, al 25 jastaǵy áıel segizinshi aptasynda bolǵan. Birinshisine tómengi jaqtyń jumsaq tinderiniń jaraqaty, ekinshisine ústińgi erinniń jaraqaty dıagnozy qoıyldy. Ekeýi de ambýlatorlyq em alýǵa úılerine jiberildi.
Dárigerler er adamnyń basynyń jumsaq tinderiniń kontýzııasyn anyqtady. Ol da úıde emdeledi.