«Qorǵas» shekara mańy yntymaqtastyǵy halyqaralyq ortalyǵy (ShYHO) jumysyn bastady. Eki el arasyndaǵy ekonomıkalyq baılanys pen týrızmniń damýyna arqaý bolǵan bekettiń jumysy jańasha jandanbaq.
Burynǵydaı emes, munda júk tasymaldaý erejesi ózgergen. Birinshiden, endi ortalyqtyń Qazaqstan bóliginde taksı júrgizýshileri júrmeıdi, adamdar tek avtobýspen qatynaıdy. Ekinshiden, taýar alýǵa kelgen jeke tulǵa bir aıda 31 kg-dan artyq júk alyp kete almaıdy. Zattardyń jalpy quny myń eýrodan aspaýy kerek. Satyp alýshylar avtobýsqa 5 kg júk qana alyp kiredi. Qalǵanyn áýejaıdaǵydaı júk tasymaldaý pýnktine tapsyrýǵa mindetti. Bolashaqta munda taǵy 14 jańa jobany iske asyrý josparlanyp otyr.
О́ńir ákiminiń baspasóz qyzmetiniń málimetinshe, týrızmniń bul túrindegi negizgi máselelerdiń biri – shekaradan ótý jáne kirý sharttary. Sol sebepti «Visit Zhetysu» týrıstik aqparattyq ortalyǵy týrıstik bıznes ókilderi, BAQ jáne blogerler úshin «Jibek joly» aqparattyq týryn uıymdastyrǵan.
Aqparattyq týr aıasynda qatysýshylarǵa «Qorǵas» ShYHO-nyń qajetti aqparatyn alýǵa múmkindik týdy. Sondaı-aq ortalyqqa barý sharttarymen jáne ınfraqurylymdyq nysandarmen tanysty. Shara sońynda týroperatorlar jańa týrıstik ónimdi ázirlemek. Odan bólek «Qorǵas» ShYHO-da bar týrlardy jetildiredi, olardy jańa týrıstik nysandarmen nemese qyzmettermen tolyqtyrady.
Al óz kezeginde BAQ ókilderi men blogerlerdiń arqasynda buqaralyq aqparat quraldary men áleýmettik jelilerde jarııalaý arqyly halyq arasynda osy destınasııanyń tanymaldyǵy artady, osylaısha týrısterdiń qatysýyn ulǵaıtýǵa múmkindik beredi.
Kópke aıan, Uly Jibek joly – shopıngtiń negizgi baǵyttarynyń biri. Búginde bul saýda joly álemniń túkpir-túkpirinen adamdardy tartýdy jalǵastyryp otyr. О́tkel zaldarynda úlken kezekterdiń aldyn alý úshin kelýshilerge bıletterdi onlaın satyp alýdyń jeńildetilgen júıesi iske qosyldy. Bılettiń quny bir adamǵa shamamen 3000 teńgeni quraıdy. Ortalyq ashylǵannan keıin kúnine 3 myń adam qabyldaýǵa múmkindik bar.
Taǵy da aıta keteıik, ortalyqqa ótý Qazaqstan azamattary jeke kýálikterimen, shetel azamattary halyqaralyq shekaradan ótý tártibimen rásimdeledi. El aýmaǵynda turatyn ár azamat ortalyqtan aıyna bir ret 31 kg taýardy baj salyǵynsyz ákete alady. Mólsherden 5 keli ǵana asýǵa ruqsat etiledi. Artyq salmaqtyń 1 kg 4 eýrodan tólemaqy tóleıdi. Kelýshilerden bagaj qabyldaý saǵat 9:00-den 17.30-ǵa deıin júzege asady. ShYHO-nyń Qytaı bóligindegi saýda oryndary 17.30-ǵa deıin jumys isteıdi. Avtobýstar 20 mınýttyq ıntervalmen júredi.
Jetisý oblysy