Eski normatıv ózgerýge tıis

Atap aıtqanda Qazaqstannyń jol salasynyń nor­matıvtik bazasyn reformalaý jónindegi jumys topta­rynyń qyzmeti óz mejesiniń ortasyna jetti. Ja­qyn­da «Qaz­jolǴZI» AQ bazasynda jol-qurylys materıaldary men buıymdary taqyryby boıynsha kezekti normatıvtik keńes ótti.

Keńeske elimizdiń basqa da avtojol uıymdarynyń sarapshylary qatysty. QazjolǴZI janynda ótkizilgen jumys top­­­tarynyń otyrystary to­lyq ashyqtyq qaǵıdasymen jáne is-sharaǵa joǵary sanat­taǵy mamandar men sarap­shy­lar­dyń belsendi qatysýy­men uıymdastyrylady. Aıta ket­sek, jyl boıy jumys to­by­nyń músheleri Qazaqstan Res­pýblıkasynyń nor­ma­tıv­te­rin ózgertý jáne to­lyq­tyrý boıynsha óz usynys­taryn engi­zip jatyr.

Buǵan deıin ınstıtýt norma­tıv­terdi reformalaý másele­leri boıynsha tórt keńes ótkizgen bolatyn. Bul avto­jol­dardaǵy jobalaý jáne salý, dıagnostıkalaý, jasandy qurylystar, sondaı-aq jol qurylysyn uıym­dastyrý jáne qaýipsizdigi jónindegi otyrystar bolatyn.

Negizi ǴTQ bazasyn reformalaý boıynsha memleket­tik tapsyrma aıasynda ınstıtýt basshylyǵy normatıvtik baǵyt­tar boıynsha 7 jumys tobyn qurdy. Qazaqstannyń jol nor­ma­tıvtik bazasynyń problemalaryna taldaý osy jyldyń II toq­sanynan bastap júrgizilip jatyr.

«QazjolǴZI» sarapshylaryn, kóp jaǵdaıda bir-birine qarama-qaıshy sıpatta keletin avtojol salasynyń 1200-ge jýyq standarty men normatıvin reformalaý kútýde.

Osy kezde Qazaqstannyń jol salasynda úlken tájirı­be­si bar jáne bizdiń elimizdegi standarttaý problemalary­men tikeleı aınalysatyn je­tek­shi mamandardan qural­ǵan saraptamalyq toptar, ba­ǵyt­­taryna sáıkes avtojol sala­synyń normatıvtik bazasyn reformalaý boıynsha ju­mys­tardy atqarady. Bazany reformalaý jol-qurylys ǵyly­my­nyń damýyn arttyrýǵa múm­kindik berip, avtojol óndiri­sindegi ınnovasııalarǵa jol ashyp qana qoımaı, jol-qury­lys ındýstrııasynyń otandyq kásiporyndarynyń sapasyn jaq­sartady degen úmit bar.

Búgingi kúnde jobalaý jáne qurylys, dıagnostıkalaý, jasandy qurylystar, jol qaýip­sizdigi, jol-qurylys mate­rıal­dary men buıymdary jáne stan­darttaý syndy taqy­ryp­tar­ǵa sáıkes arnaıy toptary jumys istep jatyr. Atalǵan jumys toptarynyń quramyna ınstıtýt mamandarymen qatar jol-qurylys kompanııalary, jolshylar, jetekshi saraptamashylar men beldi ǵylym ókilderi kirgen. Sonymen qatar atalǵan top jumystaryna budan bylaı da qatysamyn deýshiler ınstıtýttyń resmı áleýmettik jelileri arqyly tirkelip nıet bildire alady.