Jelide Almaty ortalyǵynda jastardyń jappaı tóbelesiniń vıdeosy tarady. Polıseıler oqıǵaǵa qatysty túsinikteme berdi, dep habarlaıdy Egemen.kz.
Áleýmettik jelide taraǵan vıdeodan birneshe jas jigittiń bir birin qalaı uryp-soqqanyn kórýge bolady. Belgili bolǵandaı, tóbeles «Mega» saýda ortalyǵynyń aýmaǵynda bolǵan.
Almaty polısııa departamentine 28 sáýir kúni 00:00-de Rozybakıev pen Esqaraev kósheleriniń qıylysynda tóbeles bolyp jatqany týraly habarlama túsken.
«Oqıǵa ornyna polısııanyń patrýldik qyzmetkerleri jiberildi. Olar quqyq buzýshylyqty toqtatyp, oqıǵaǵa qatysýshylardyń barlyǵyn ustady. Jastar Bostandyq aýdanynyń polısııa bólimine jetkizildi. QR Qylmystyq kodeksiniń 293-babynyń 2-bóligi boıynsha sotqa deıingi tergeý bastaldy. Tóbeleske qatysýshylardyń árqaısysynyń áreketine quqyqtyq baǵa beriledi. Oqıǵanyń sebepteri men mán-jaıy anyqtalyp jatyr», dep habarlady Almaty PD baspasóz qyzmeti.