Ulttyq ulannyń elordadaǵy 5573 áskerı bóliminiń áskerı qyzmetshisi Erjan Erenqaıypov dzıýdodan ashyq Azııa kýboginde altyn medal jeńip aldy, dep habarlaıdy Egemen.kz.
28-29 sáýir aralyǵynda El-Kýveıtte ótken jarysqa álemniń 27 elinen 150-den astam sportshy qatysty. Qazaqstannyń atynan 8 salmaq dárejesinde 15 sportshy baq synady.
Jarys qorytyndysy boıynsha Qazaqstan quramasy jalpykomandalyq esepte ekinshi orynǵa ıe boldy. Qazaqstan sportshylary 2 altyn, 2 kúmis jáne 3 qola medal jeńip aldy.
– Álemdik arenada altyn medal jeńip alǵanyma óte qýanyshtymyn. Fınalda men túrikmen dzıýdoshysy Dovran Iаzkylychovpen kezdestim. Bul keremet jekpe-jek boldy. Ulttyq ulannyń Bas qolbasshysy Erkin Botaqanovqa osy jarysqa qatysýǵa múmkindik bergeni úshin, sondaı-aq óz jattyqtyrýshylaryma alǵysymdy bildiremin, – dedi E. Erenqaıypov.