Búgin О́zbekstanda Konstıtýsııaǵa ózgertýler engizý boıynsha referendým bastaldy, dep habarlaıdy Egemen.kz Rıa Novostıge silteme jasap.
О́zbekstanda referendýmda daýys berý úshin saılaý ýchaskeleri ashyldy. Ýchaskeler jergilikti ýaqyt boıynsha 08.00-den 20.00-ge deıin jumys isteıdi.
Zań mátini jergilikti BAQ-ta 15 naýryzda jarııalandy.
Ortalyq saılaý komıssııasynyń málimetinshe, daýys berý bastalǵannan beri eshqandaı buzýshylyqtar tirkelmegen.
«Daýys berý ulttyq zańnamaǵa jáne halyqaralyq standarttarǵa sáıkes ótedi», dedi komıssııa tóraǵasy Zaınıddın Nızamhodjaev.
Qoldanystaǵy Konstıtýsııa 1992 jyly qabyldanǵan bolatyn. Osy ýaqyt aralyǵynda atalǵan zańǵa 15 ret túzetýler engizildi. Quqyqtyq aktiniń jańa redaksııasyna taǵy 27 bap engizilmekshi. Osylaısha baptar sany 128-den 155-ke deıin artady. Túzetýlerden soń zań 65 paıyzǵa jańartylady dep kútilýde.
Atap aıtqanda, respýblıka turǵyndaryna prezıdenttiń ókilettik merzimin bes jyldan jeti jylǵa deıin uzartý týraly tarmaqty qabyldaý usynylady. Sonymen qatar Konstıtýsııalyq zań jobasy qazirgi Memleket basshysy Shavkat Mırzıeevke qatarynan eki merzimnen keıin bul qyzmetke taǵy bir ret saılanýǵa múmkindik beredi.
Engizilgen basqa ózgeristerdiń qatarynda senatorlar sanyn 100-den 65-ke deıin qysqartý, ólim jazasyna tyıym salý jáne el azamatyn shet memleketke berý týraly tarmaq bar. Konstıtýsııaǵa alǵash ret azamattyq qoǵam ınstıtýttary jáne olardyń qyzmetiniń kepildikteri týraly jeke taraý engiziledi. Túzetýler sonymen qatar Parlamenttiń tómengi palatasynyń memlekettik bıýdjettiń atqarylýyn baqylaý jáne Esep palatasynyń esebin qaraý jónindegi ókilettikterin bekitedi.