Qosymsha aqy kóbeıdi

12 sáýir kúni Prezıdent janyndaǵy Ǵy­lym jáne tehnologııalar jónindegi ult­tyq keńestiń otyrysynda Qasym-Jomart Toqaev ǵalymdardyń mártebesin kó­terý, onyń ishinde qarjylyq qoldaý kór­setý qajettigin atap ótkeni esimizde. «Biz ǵalymdarymyzdyń mártebesin dá­ıek­ti túrde arttyryp, olardyń áleý­met­tik qorǵalýyn kúsheıtýimiz qajet. Osy maqsatta joǵary oqý oryndary men­ ǵylymı uıymdar qyzmetkerleriniń ǵy­lymı dárejeleri men ataqtary úshin qo­sym­sha aqyny 1,5 esege arttyrý kerek», degen edi Prezıdent.

Sonymen joǵary oqý oryndary men ǵylymı uıymdardyń qyzmetkerlerine ǵylymı dárejeler men ǵylymı ataqtar úshin kelesideı qosymsha tólemder josparlanǵan:

fılosofııa doktory (PhD), sala boıynsha doktor dárejesi úshin 17 eselengen aılyq eseptik kórsetkish (AEK) mólsherinde; fılosofııa doktory (PhD) ǵylymı dá­re­jesi jáne dosent, ǵylym dok­to­ry­­ ǵylymı ataǵy jáne dosent ǵyly­mı­­ ataǵy úshin 25 eselengen AEK mólsherinde; ǵylym kandıdaty ǵylymı dárejesi úshin 17 eselengen AEK, ǵylym doktory úshin 34 eselengen AEK mólsherinde; ǵylym kandıdaty ǵylymı dá­re­jesi jáne qaýymdastyrylǵan pro­fes­sor ǵylymı ataǵy úshin 25 ese­len­gen AEK, ǵylym doktory jáne qa­ýym­das­ty­rylǵan professor ǵy­ly­mı ataǵy úshin 42 eselengen AEK mól­she­rinde; fılosofııa doktory (PhD), sala bo­ıynsha doktor jáne professor ǵylymı ataǵy úshin, ǵylym kandıdaty ǵylymı dárejesi men professor ǵylymı ataǵy úshin, ǵylym doktory ǵylymı ataǵy bar professorlar úshin 50 eselengen AEK mólsherinde.