Talǵat Syrymbetov (60 keli) pen Aıbek Oralbaı (92 keli) Tashkentte ótip jatqan bokstan álem chempıonatyn jeńispen bastady, dep habarlaıdy Egemen.kz.
Syrymbetov alǵashqy jekpe-jeginde taı boksshysy Sakdý Rýamthamdy jeńdi.
Talǵattyń kelesi qarsylasy ıordanııalyq Mohammad Abý Djadje bolmaq.
Birinshi aınalymda Aıbek Oralbaıdyń qarsylasy 2019 jylǵy álem chempıonatynyń qola júldegeri bolgarııalyq Radoslav Pantaleev boldy. Ol birinshi raýndta Pantaleevti nokdaýnǵa túsirdi.
1/16 fınalda Aıbek sońǵy álem chempıonatynda sensasııalyq túrde fınalǵa shyqqan ıtalıandyq Azız Abbes Mýhıdınmen judyryqtasady.