Qazaq-túrik IT-forýmy

Forým bıznes-qoǵamdastyq ara­syn­daǵy iskerlik baılanysty damytýǵa jáne eki memleket arasyndaǵy saý­da jáne ınvestısııa salasyndaǵy ynty­maqtastyqty nyǵaıtýǵa baǵyt­talǵan. Sıfrlyq damý, ınnovasııalar jáne aeroǵarysh óner­kásibi vıse-mınıstri Asqar Jambaqın atap ótkendeı, Túr­kııa – elimizdiń eń basym saýda-eko­no­mıkalyq jáne ınvestısııa­lyq serik­tes­teriniń biri. Sonyń ishinde IT sala­synyń áleýeti zor.

Eki kúndik forýmda qazaq jáne túrik bıznes-delegasııalary betpe-bet dıdarlasý, kollaborasııa men ynty­maqtastyq perspektıvalaryn talqy­laý úshin jeke kelissózder júrgizýge múmkindik aldy.

– Biz qazaqstandyq kompanııalar­men yntymaqtastyqty nyǵaıtý úshin B2B kezdesýlerin uıymdastyrdyq. Dál osyndaı shara Almatyda da ótti. Forýmnyń nátıjesinde jańa kelisim­sharttar jasalyp, jergilikti kom­pa­nııalarmen uzaq merzimdi ynty­maqtastyq ornatyldy, – dedi «Bilkent CYBERPARK» bas dırektory Farýk Inaltekın.

Kelissózder baǵdarlamalyq qamta­masyz etý, IoT, portal ázirleý, ener­getı­kalyq monıtorıng jáne basqarý, avtomattandyrý, smart qala sheshimderi, jasandy ıntellekt, mashınalyq oqy­tý, mobıldi qosymsha, fınteh, sıfr­lyq transformasııa, ónimdilik, smart úı júıesi, qorǵanys ónerkásibi, geogra­fııalyq aqparattyq sheshimder, IT, elektrondy qujat aınalymy, elektrondy qoltańba sheshimderi, densaýlyq salasy sekildi bıznes-sanattardy qamtyǵanyn aıta keteıik.

– Biz jýyrda mınıstr Baǵdat ­Mýsın bastaǵan úlken delegasııanyń qu­­ra­mynda Túrkııanyń tehnologııalyq ká­sip­ker­lik ekojúıesinde mańyzdy oryn alatyn «Bilkent Cyberpark»-te bol­dyq. Bul jolǵy forým – «Digital Bridge» halyq­aralyq forýmynda ­qol qoıylǵan memorandým aıasyndaǵy ­se­­­rik­­testigimizdi odan ári damytý­dyń ta­ǵy bir dáleli, – dedi otandyq tehnopark ekojúıesin tanystyrý barysynda «Astana Hub» bas dırektory Maǵjan Mádıev.

Eske sala keteıik, 2022 jyldyń 28 qyrkúıeginde «Digital Bridge» halyq­aralyq forýmynyń alańynda túrki elde­riniń tehnoparkteri – «Bilkent Cyberpark» (Túrkııa), «Astana Hub» (Qazaqstan), «Sabah Lab» (Ázerbaıjan), «PVT» (Qyrǵyzstan), «Bilisim Vadisi» (Túrkııa), «IT Park Uzbekistan» (О́z­bek­stan) ynty­maqtastyq týraly me­mo­randýmǵa qol qoıǵan bolatyn. Aımaq­taǵy aqpa­rat­tyq-kommý­nıka­sııa­lyq tehnologııalar men ın­no­va­sııa­lyq ekojúıeni birlesip damy­týǵa baǵyttalǵan bul kelisim Túrki mem­leketteri uıymynyń segizinshi sam­­­mı­tinde Túrki elderiniń zamanaýı teh­no­park­­ter ortalyǵyn qurýdy usyn­ǵan el Prezıdenti Qasym-Jomart Toqaevtyń bastamasy aıasynda jasalǵan edi.