Búgin Astanada kásipker Qaırat Satybaldynyń burynǵy áıeli Gúlmıra Satybaldyǵa qatysty sot úkimi shyqty. Gúlmıra Satybaldy 7 jylǵa bas bostandyǵynan aıyryldy, dep habarlaıdy Egemen.kz.
«Gúlmıra Satybaldy Qazaqstan Respýblıkasy Qylmystyq kodeksiniń 389-babynyń 4-bóliginde kózdelgen quqyq buzýshylyqty jasaǵany úshin kináli dep tanyldy. Oǵan 6 jyl bas bostandyǵynan aıyrý jazasy taǵaıyndaldy. Gúlmıra Satybaldy 28-baptyń 3-bóliginde jáne 125-baptyń 2-bóliginiń 1.8-tarmaǵynda kózdelgen qylmysty jasaǵany úshin múlkin tárkileýsiz 7 jylǵa bas bostandyǵynan aıyrý jazasy taǵaıyndaldy. Gúlmıra Satybaldy 7 jylǵa bas bostandyǵynan aıyryldy», dedi sýdıa Kemeńger Imashev.
Sondaı-aq QR Qylmystyq kodeksiniń 49-baby negizinde Memleket basshysyna memlekettik nagrada – «Qurmet» ordeninen aıyrý týraly usynys engizý usynyldy.
Aıta keteıik, kásipker Qaırat Satybaldynyń burynǵy áıeli Gúlmıra Satybaldy 2022 jyly 16 naýryzda ustaldy. Antıkor «Qazaqtelekom» AQ-nyń laýazymdyq ókilettikterin asyra paıdalaný jáne asa iri kólemdegi qarajatty jymqyrý faktileri boıynsha qylmystyq isti tergedi.