Tájikstan – biz úshin baýyrlas el, mańyzdy ári senimdi seriktes memleket. Bizdiń halyqtarymyzdy shynaıy dostyq, ortaq tarıh, rýhanı jáne mádenı qundylyqtar biriktiredi;
Sizdiń saparyńyz memleketterimiz arasyndaǵy dıplomatııalyq qatynastardyń 30 jyldyǵynda ótip otyr;
Eki el úkimetteriniń senimdi saıası dıalogy men úılesimdi jumysynyń nátıjesinde qarym-qatynastardyń mazmuny múlde jańaryp, baıı tústi. Búgin qol qoıylǵan Odaqtastyq ózara is-qımyl týraly deklarasııa – munyń aıqyn dáleli;
Ekijaqty ózara is-áreketti nyǵaıtý úshin energetıka jáne mashına jasaý salalarynda zor múmkindik bar. Keshe ótken Qazaqstan-Tájikstan bıznes-forýmy men Iskerlik keńes otyrysy kásipkerlerdiń osy salalarda ózara tıimdi baılanys ornatýǵa qyzyǵýshylyq tanytyp otyrǵanyn rastady;
Bıznes-forým barysynda jalpy somasy 1,8 mıllıard dollar bolatyn kelisimsharttarǵa qol qoıyldy;
О́tken jyldyń qorytyndysy boıynsha elderimiz arasyndaǵy aýyl sharýashylyǵy ónimderiniń taýar aınalymy 40 paıyzǵa ósip, 500 mıllıon dollardan asty;
Qazaqstan – Tájikstanǵa úlken kólemde bıdaı men un jetkizetin eldiń biri. Bul rette bizdiń ósimdik maılary, makaron, sút ónimderi jáne kondıterlik ónim túrleri boıynsha eksportty ulǵaıtý úshin rezervimiz jetkilikti;
Qol jetkizilgen ýaǵdalastyqtardy tıimdi jáne ýaqtyly iske asyrý úshin Aýyl sharýashylyǵy salasyndaǵy yntymaqtastyqty jandandyrý jónindegi 2025 jylǵa deıingi jol kartasyna qol qoıyldy;
Iskerlik baılanystar men ekonomıkalyq yntymaqtastyqty keńeıtý úshin meılinshe qolaıly jaǵdaı jasaý qajettigi atap ótildi. Osyǵan baılanysty óńiraralyq forýmdar formatynda ekijaqty yntymaqtastyqtyń bastalýy erekshe mańyzǵa ıe;
Ortalyq Azııadaǵy transshekaralyq ózenderdi paıdalaný týraly ustanymdarymyz ortaq ekenin, sondaı-aq bul iste konstrýktıvti yntymaqtastyq pen ózara tıimdi sheshimder izdeý qajettigin taǵy da rastadyq. Bul máselede Araldy qutqarýdyń halyqaralyq qory aıryqsha ról atqarady;
Qol jetkizilgen ýaǵdalastyqtar – Qazaqstan-Tájikstan qarym-qatynastaryn nyǵaıtý turǵysynan asa mańyzdy jáne elderimiz arasyndaǵy yntymaqtastyqty odan ári nyǵaıtýǵa beıildi ekenińizdiń aıqyn dáleli.