«Qazgıdromet» RMK usynǵan málimetke qaraǵanda, aýqymdy antısıklon respýblıkanyń basym bóliginde jaýyn-shashynsyz aýa raıyn saqtaıdy.
«Respýblıkanyń batysynda, ońtústik-batysynda jáne ońtústiginde kún kúrkirep, jańbyr jaýady. Respýblıka boıynsha jel kúsheıip, ońtústikte, ońtústik-shyǵysta, soltústik batysta shańdy daýyl turady, batysta, ońtústik-batysta tuman túsedi», dedi sınoptıkter.
Túnde Soltústik Qazaqstan oblysynyń ońtústik-batysynda 2°S bolady. Ulytaý oblysynyń shyǵysynda, Aqtóbe oblysynyń soltústiginde, Qostanaı oblysynyń ońtústiginde topyraq betinde -1-3°S úsik júredi.
Tańerteń jáne kúndiz Jambyl oblysynyń soltústik-shyǵysynda jel kúsheıip, ekpini 30 m/s jáne odan da joǵary bolýy múmkin.
Astanada kóshpeli bult shyǵady, kún jaýyn-shashynsyz ótedi. Ońtústikten 2-7 m/s jel soǵady. Aýa temperatýrasy túnde +1+3°S, kúndiz +24+26°S.
Almatyda da kóshpeli bult shyǵady, kún jaýyn-shashynsyz ótedi. Jel ekpini - 0-5 m/s. Aýa temperatýrasy túnde +1+3°S, kúndiz +17+19°S.Shymkentte kóshpeli bult shyǵady, ótkinshi jańbyr jaýady, kúndiz naızaǵaı oınaıdy. Shyǵystan soǵatyn jeldiń ekpini 15-20, túnde keı ýaqytta 23 m/s bolady. Aýa temperatýrasy túnde +8+10°S, kúndiz +20+22°S.