4 mamyrda Jetisý oblysy Tekeli qalasynda polıseıler arnaıy operasııa júrgizip, óńirdegi esirtki taratý arnasyn joıdy, dep habarlaıdy Egemen.kz Polisia.kz-ke silteme jasap.
«Ustalǵan adamdar esirtki zattaryn taratý jáne satý qylmystary boıynsha aıyptalyp otyr. Kúdiktiler qalanyń ár jerinde jeke-jeke ustaldy. Barlyǵy ýaqytsha ustaý ızolıatoryna qamaldy. Tergeý amaldary esirtki zattardy ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizýdi kózdeıtin QR QK-niń 297-babyna (1,3-b.) sáıkes júrgizilýde», dedi Jetisý oblysy PD esirtki qylmysyna qarsy is-qımyl basqarmasynyń bastyǵy Murat Jumabaev. Jyl basynan beri óńirde zańsyz aınalymnan 30 keliden astam túrli esirtki zattary tárkilendi. Olardyń ishinde marıhýana, gashısh jáne «sıntetıka» esirtki zattary bar.