Jańaózende «QazMunaıGaz» UK AQ Basqarma Tóraǵasynyń orynbasary D.Hasanov bastaǵan arnaıy jumys tobynyń ókilderi qalanyń 30-ǵa jýyq kásipornynyń basshylarymen kezdesti. Is-sharaǵa «О́zenmunaıgaz» AQ Bas dırektory N.Qılybaı, Jańaózen qalasynyń «Atameken» kásipkerler palatasynyń dırektory A.Sharapatdınov, jergilikti atqarýshy organ ókilderi, sondaı-aq máslıhat depýtattary qatysty, dep habarlaıdy Egemen.kz «QazMunaıGazdyń» baspasóz qyzmetine silteme jasap.
Talqylaýǵa Jańaózen aýmaǵynda birqatar taýar óndirisi men qyzmet túrlerin damytý máselesi arqaý boldy.
D.Hasanov atap ótkendeı, taldaý barysynda «О́zenmunaıgaz» kompanııasynyń satyp alý qyzmetinde bolashaqta otandyq óndirýshiler jetkizýine bolatyn taýar men qyzmet túrleriniń bar ekeni anyqtaldy.
«Bul shara óńirdegi jumyssyzdyq máselesin sheshýge jáne jergilikti taýarlar men qyzmetterdi damytýǵa yqpal etedi», dep atap ótti jumys tobynyń jetekshisi.
Jıynǵa qatysýshylar óńirdegi qajettilikterdi anyqtap, tıisti usynystardy qaraıtyn arnaıy shaǵyn top qurý týraly sheshim qabyldady.
Búginde qala kásipkerleri ysyrmalardy jóndeý, shynyplastıkalyq qubyrlardy jóndeý, gıdravlıkalyq kiltti jalǵa alý jáne metall synyqtaryn radıasııadan tazartý sııaqty qyzmetterdi damytý boıynsha jobalardy qolǵa alǵan.
Arnaıy jumys toby jergilikti taýar men qyzmet túrleri boıynsha perspektıvaly baǵyttardy anyqtaý úshin «О́zenmunaıgaz» AQ satyp alý qyzmetin tolyq taldaý jumysyn jalǵastyrady.