DDU basshysy Tedros Adhanom Gebreıesýs koronavırýs pandemııasynyń aıaqtalǵanyn málimdedi, dep habarlaıdy Egemen.kz euronews-ke silteme jasap.
DDU basshysy Tedros Adhanom Gebreıesýs 2020 jyly bastalǵan COVID-19 pandemııasynyń aıaqtalǵanyn jarııalady. Bul týraly ol Jenevada ótken brıfıngte aıtty.
«Keshe Tótenshe jaǵdaılar komıteti óziniń 15-shi kezdesýin ótkizdi. Onda sarapshylar maǵan koronavırýsqa baılanysty jarııalanǵan tótenshe jaǵdaıdyń aıaqtalǵanyn jarııalaýdy usyndy. Men bul usynysty qoldaımyn», dedi DDU basshysy.
Onyń aıtýynsha, pandemııa kezinde koronavırýstan 20 mıllıon adam qaıtys boldy. Osy ýaqytqa deıin 765,2 mln adam indet juqtyrdy.
Eske sala keteıik, DDU COVID-19 pandemııasyn 2020 jyldyń 11 naýryzynda jarııalaǵan edi.