Perzenttik paryz

Saltanatty jıynnyń resmı bóliginde Shymkent qa­lasynyń ákimi Murat Áı­tenov sóz alyp, jaýyngerlerdi ká­sibı merekelerimen quttyqtady.

«Búgin – halqymyzdyń ba­tyrlyǵyn aıǵaqtaıtyn jáne otansúıgishtiktiń shy­naıy belgisin kórsetetin mereke. Ba­balarymyz «aq bilektiń kúshimen, aq naızanyń ushy­men» keń-baıtaq dalamyzdy qorǵap, búgingi urpaqqa ama­nattap qaldyrǵan. Endigi jerde bul amanatqa adal bolý – búgingi urpaqtyń perzenttik paryzy. Tarıh qoınaýyndaǵy erlikke toly jeńisti jolymyz urpaq jadynda máńgi saqtalýǵa tıis. Bıyl elimizdiń Qarýly Kúshteriniń qurylǵanyna 31 jyl tolyp otyr. Osy jyldar ishinde ulttyq áskerimiz damý jaǵynan bıikke órledi. Sonyń nátıjesinde Qarýly Kúshterimiz jyldan-jylǵa qýatyn arttyryp keledi. Búginde daıyndyq deńgeıi joǵary, jaýyngerlik rýhy asqaq, zamanaýı qarý-ja­raq­pen, tehnıkalarmen jab­dyqtalǵan ulttyq ás­ker­men maqtana alamyz. Aıtyl­ar áńgimeniń tobyqtaı túıi­ni, aıbyndy áskerimiz – tu­ǵyrly Táýelsizdigimiz men memleketimizdiń berik qorǵa­ny», dedi Murat Dúısen­bekuly.

Sondaı-aq qala basshysy álemde qa­lyptasqan kúrdeli geosaıası ahýal el Táýelsizdigi men terrıtorııalyq tutas­tyqty qorǵaý, ulttyq qaýip­sizdikti qamta­masyz etý má­selesin burynǵy kezben sa­lys­tyrǵanda ózekti ete tús­kenin atap ótti. Osyǵan baılanysty qala ákimi sózi­niń sońyn «Otan qorǵaý – perzenttik paryz, mártebeli mindet. Elimizdiń tynyshtyǵy men jerimizdiń tutastyǵyn saqtaý jolynda qaltqysyz qyzmet etip júrgen erjúrek jaýyngerlerimizdiń eńbegi eren. Halqymyz antyna adal, sertine berik perzentterin árqashan qadir tutady», degen oımen aıaqtady.

Saltanatty is-sharada shahar basshysy birqatar ás­kerı qyzmetkerdi minsiz qyzmeti úshin arnaıy mara­pat­tady. Sonymen birge «Oń­tús­tik» óńirlik qolbas­shy­lyǵy áskerleriniń qolbas­shysy, general-maıor Mere­ke Kóshekbaev Qarýly Kúsh­terdiń ardagerleri men jaýyngerlerdi merekemen quttyqtap, qurmet kórsetti.

Otan qorǵaýshylar kúnine arnalǵan merekelik basqosý sońy Shymkent áskerı gar­nızonynyń sarbazdary já­ne qaladaǵy áskerı oqý oryndarynyń kýrsanttary men estrada juldyzdary ázirlegen merekelik konsertke ulasty.

ShYMKENT