Dúnıejúzilik ekonomıkalyq forýmnyń málimetinshe, 2027 jylǵa qaraı jasandy ıntellekt 14 mıllıon adamdy jumyssyz qaldyrýy múmkin, dep habarlaıdy Egemen.kz Euronews-ke silteme jasap.
Jasandy ıntellekt adam eńbegin, tipti búkil kásipti almastyra alatyny eshkimge qupııa emes. Birneshe ret basý arqyly chatbot daıyn ssenarıı jaza alady.
Jasandy ıntellekt ónertapqyshynyń biri osy tehnologııanyń arqasynda ónimdilikte nemese medısınada progreske qol jetkizýge bolady dep sanaıdy, biraq sonymen birge jasandy ıntellekt adam múmkindikterinen asyp túsetinin eskertedi.
«Eger siz osy úlken til úlgilerine qarasańyz, olardyń trıllıonǵa jýyq baılanysy bar ekenin baıqaısyz. Máselen, GPT-4 sııaqty baǵdarlamalar bizden áldeqaıda kóp biledi. Olardyń barlyq salada derlik bilimderi bar. Sondyqtan olar adamnan da artyq bilýi múmkin», dedi AI zertteýleri salasyndaǵy ǵalym Djeffrı Hınton.