H.Dosmuhamedov atyndaǵy Atyraý ýnıversıtetinde 2012 jyldan beri ázerbaıjan halqynyń tarıhy men mádenıetin zertteý ortalyǵy jumys isteıdi. Ortalyq baýyrlas elder arasyndaǵy yntymaqtastyq pen rýhanı baılanysty tereńdetý maqsatynda ashylǵan.
Oqý ornynyń rektory Salamat Idrısovtiń aıtýynsha, sol jyldan beri ýnıversıtettiń úzdik stýdentterine Ázerbaıjan Respýblıkasynyń birinshi prezıdenti Geıdar Álıev atyndaǵy halyqaralyq stıpendııa berilip keledi. Bıylǵy halyqaralyq stıpendııaǵa oqýda jáne qoǵamdyq jumysta belsendiligimen tanylǵan bes stýdent ıe boldy. Olar – Jansezim Qýandyqova, Erlan Baımuhanov, Geogorıı Shaposhnıkov, Ásel Aıýpova men Sanjar Temirbolatov. Atyraýlyq stýdentterge stıpendııany tapsyrý is-sharasyna Ázerbaıjan Respýblıkasynyń Aqtaý qalasyndaǵy bas konsýldyǵynyń basshysy Elchın Mamedov pen mádenıet jáne bilim jónindegi keńesshi Ilkın Orýdjov qatysty.
– Jaqynda Ázerbaıjan Respýblıkasynyń táýelsizdigin nyǵaıtyp, ekonomıkasyn órkendetýge, baýyrlas jáne ózge de memlekettermen áriptestik baılanysyn óristetýge úles qosqan Geıdar Álıevtiń týǵanyna 100 jyl toldy. Osyǵan oraı Atyraýdaǵy ýnıversıtet stýdentteri arasynda shyǵarmashylyq konkýrs ótti. Onyń qorytyndysymen úzdik stýdentterge halyqaralyq stıpendııa berilip otyr. Bul – baýyrlas elder arasyndaǵy berik baılanystyń dáleli, – deıdi Elchın Mamedov.
Atyraý oblysy