Sh.Ýálıhanov atyndaǵy Jambyl oblystyq ámbebap ǵylymı kitaphanasynda Jeńistiń 78 jyldyǵy aıasynda «О́lmeıtin erligińdi dáripteımiz, ónegeli ómirińe elikteımiz!» atty patrıottar keshi ótti.
Rýhanı is-shara Ekinshi dúnıejúzilik soǵysqa qatysqan qaharmandar esimin nasıhattaý, jas urpaqqa beıbitshiliktiń qadirin túsindirý, olardy adamgershilikke, Otanyn súıýge, patrıotızmge tárbıeleýdi maqsat tutty. Zııaly qaýym ókilderi men kitaphana oqyrmandary qatysqan patrıottar keshi «Qalamgerdiń shoqtyǵy bıik shyǵarmalary» kitap kórmesimen bastaldy. Kórme soǵys ardageri, qazaq ádebıetindegi detektıv janrynyń negizin qalaǵan belgili jazýshy Kemel Toqaevtyń 100 jyldyq mereıtoıyna arnaldy.
Kitap kórmesinde oqyrman nazaryna kórnekti qalamgerdiń kitaptary jáne kitaphana qoryna bıyl túsken 5 tomdyq jáne 2 tomdyq shyǵarmalar jınaǵy usynyldy. Kitaphana qyzmetkerleri jınalǵandarǵa Kemel Toqaevtyń eńbek jolyna, sonyń ishinde Jambyl oblysynda atqarǵan qyzmetine, surapyl soǵys jyldaryndaǵy ómirine, qazaq baspasóz salasyndaǵy jemisti jumysyna, ádebıet kókjıegin keńeıtken shyǵarmashylyq shartarabyna keńinen toqtalyp, kórmeniń bir aı boıy oqyrman nazaryna usynylatynyn aıtty. Sonymen qatar mundaı kitap kórmeleri kórnekti jazýshy qyzmet etken Shymkenttegi Ál-Farabı kitaphanasynda, Qyzylordadaǵy Á.Tájibaev atyndaǵy oblystyq kitaphanada jáne Jetisý oblysyndaǵy S.Seıfýllın atyndaǵy ortalyq kitaphanasynda ótip jatqandyǵyn jetkizdi.
Patrıottar keshinde sóz alǵan zııaly qaýym ókilderi ǵasyrlar qoınaýynan bastaý alatyn ulttyq bolmys, qanǵa sińgen batyldyq pen batyrlyq, tyldaǵy janqııarlyq qajyr-qaırat Ekinshi dúnıejúzilik soǵys jyldarynda jeńis týyn jelbiretýge septigin tıgizgendigin atap ótse, jas órender beıbitshiliktiń aq tańyn, táýelsizdiktiń táý eter qadirin jyrǵa qosty.
Kitaphanada ótken patrıottar keshi ár oqyrmanǵa oı tastaǵan ıgilikti is-shara retinde uzaq este qalatyny anyq.
Jambyl oblysy