Astana qalasynyń ákimi Jeńis Qasymbek óziniń Instagram paraqshasynda qurylysy uzaqqa sozylǵan nysandardyń úleskerlerimen kezdeskenin habarlady dep jazady Egemen.kz elorda ákimdiginiń baspasóz qyzmetine silteme jasap.
«Biz uzaqqa sozylǵan nysandardyń qurylysyn nazarda ustaımyz. «Zere-2», «Arabı 2 - Granıtnyı 2», «Mırnyı dom», «Korgaljınskıı kvartal» sekildi qurylysy uzaqqa sozylǵan nysandardy aralap shyqtym. Olardyń árqaısysynyń tarıhy ártúrli, óz páterin 10 jyldap kútip júrgen turǵyndar da bar», dedi elorda ákimi.
Onyń aıtýynsha, keıbir nysandardyń qurylysy kesteden qalyp barady, al endi bir jerinde qurylys sapasy kóńilge múlde qonymsyz.
«Qurylys salýshylardyń moınynda jumys qarqynyn arttyrý, qurylys maýsymyn barynsha paıdalaný, sol sııaqty sapaǵa erekshe kóńil bólý mindetteri tur. Jylý berý maýsymyna deıin nysandar jylý júıesine qosylýy kerek. Qurylys salýshylar muny qatardaǵy jaı nysan retinde qarastyrmaýy kerek, onyń artynda óz páterin jyldar boıy kútip júrgen jandardyń taǵdyry bar», dedi Jeńis Qasymbek.