Keshe ÝEFA Chempıondar lıgasynyń ekinshi jartylaı fınaldyq matchy ótti. Bul básekede Italııanyń qos grandy – «Mılan» men «Inter» ózara kúsh synasty.
«San-Sıroda» ótken derbı birden qarqyndy bastaldy. Alǵashqy gol kóp kúttirgen joq. 8-mınýtta «Interdiń» jartylaı qorǵaýshysy Hakan Chalhanoǵlynyń buryshtamadan bergen dobyna birinshi bolyp jetken Edık Djeko ony qaqpaǵa dál túsirdi – 0:1. Sol sátte jankúıerlerdiń deni endi alań ıeleri esepti teńestirý úshin baryn salatyn shyǵar dep oılady. Biraq bári kerisinshe boldy. Kózdi ashyp-jumǵansha qarsylastarynyń aıyp alańyna júıtkip jetken Genrıh Mhıtarıan qaqpashymen betpe-bet qaldy da, dopty torda týlatty – 0:2. Bul matchtyń 12 mınýty edi. Aınaldyrǵan úsh mınýt aralyǵynda soǵylǵan eki gol «Mılandy» eseńgiretip tastady. Sodan keıin olardyń oıyndary múldem júrmedi. Sol esep kezdesýdiń sońyna deıin saqtaldy.
Esterińizge sala keteıik, Madrıdte «Real» men «Manchester Sıtı» arasynda bir kún buryn ótken ÝEFA Chempıondar lıgasynyń birinshi jartylaı fınaldyq matchy 1:1 esebimen teń aıaqtalǵan edi.