Sarqandaǵy qurylys qarqyny

Bıyl Kókterek, Almaly aýyldarynda Mádenıet úıi, Birlik, Topolevka aýyldarynda jańa mektep boı kóteretin bolady. Bul turǵyndardyń kópten aıtyp júrgen tilegi edi. Qazir mamandar kún-tún demeı jumys istep, nysandardy merzimdi ýaqytynda tapsyrýǵa kúsh salyp jatyr.

Birlik aýylynda «Qu­rylysshy TBS» jaýap­ker­shiligi shekteýli seriktestigi qolǵa alǵan 25 oryndyq shaǵyn ortalyǵy bar 120 oqýshyǵa arnalǵan jańa mekteptiń qu­rylysy jalǵasyp jatyr. Qurylys jumystary aldyńǵy jyldyń qarasha aıynan bas­taý alsa da qymbatshylyqqa oraı ótken jyly nysannyń jobalyq-smetalyq qujatta­masyna túzetý engizilgen. So­ǵan qaramastan búginde jo­balanǵan aýqymdy jumystyń deni rettelip, jańa oqý jylyna deıin shákirtterge mektep esigi aıqara ashylatyn bolady.

«Qazandyq pen stadıonnyń salynýy jáne aýmaqtyń abattandyrylýyn qosqanda mektep qurylysynyń jalpy quny – 1 mlrd 389 mln 520 myń teńge. Bıylǵa deıin osy qarjynyń 749 mln 451 myńy ıgerildi, jumys josparǵa saı júrip ja­tyr», deıdi qurylys, arhıtektýra jáne qala qurylysy bó­liminiń basshysy Muratbek Rymbaev.

Birlik orta mektebiniń q­azirgi balalar oqyp júrgen eki qabatty ǵımaraty 1971 jyly salynǵan. Onda akt za­ly men sport zaly joq. Oryn jetispeıdi, sondyqtan mun­daǵy 123 oqýshy eki aýysymda oqýǵa májbúr. Olardyń kóz aldarynda qabyrǵalary bıiktep, kúnnen-kúnge árlengen zamanaýı mekteptiń paıdalanýǵa be­riler sátin asyǵa tosyp júr­geni daýsyz.

Qabyrǵalary árlenip, shatyry qaǵylyp, elektrmen jab­dyqtalyp, jylý trassasy, káriz júıesi tolyqtaı iske qo­sylyp alystan kóz tartatyn ǵımarattyń óńdeý jumystary belgilengen merzimde júzege asyrylsa, tamyzdyń aıaǵynda berilmeıtin nesi qaldy?

Ýchaske jetekshisi Marat Ilııasovtyń aıtýynsha qury­lysqa 60 jumysshy tartylyp, 7 bloktan turatyn nysanda shákirtter úshin barlyq jaǵdaı qarastyrylǵan desedi.

Ekiasha aýyldyq okrý­gine qarasty Topolevka aýy­lyn­­daǵy 25 oryndy shaǵyn or­talyǵy bar 80 oqýshyǵa ar­nalǵan mektep qurylysyna bıýdjet qorjynynan 1 mlrd 315 mln 497 myń teńge bóli­nipti. Osy qarjynyń jartysyna jýyǵy ıgerilip, merdiger tamyz aıynyń basynda jańa nysandy paıdalanýǵa berýdi kózdep otyr.

Munda da 48 adam, 7 tehnıka jumyldyrylyp, qaýyrt jumys qyzǵan shaq. Úsh qabatty mekteptiń shatyry jabylyp, tereze bloktary ornatylyp, árleý jumystary talapqa saı júrgizilýde. Sý qubyry, káriz jáne jylý júıeleri ju­mys istep tur. Ishki árleý ju­mystary qarqyndy júrip, sport alańdaryna asfaltbeton tóselip, joba talabyna sáı­kes salynyp jatqan eńseli jańa nysan bilim teńizine boı­laýdy maqsat tutqan jas óren­derdiń altyn uıasyna aınalary sózsiz.

Kelesi aıaldaǵan nysan – Almaly aýylynda qurylysy júrip jatqan mádenıet oshaǵy. Ýchaske jetekshisi Qaırat Ra­hymberdıevtiń aıtýynsha qazynadan 503 mln 710 myń teńge bólinip, 30 shaqty aza­mat jumysqa tartylyp, 140 orynǵa laıyqtalǵan máde­nı-turmystyq nysan qu­ry­lysynyń 40 paıyzy oryn­dalǵan. Aǵymdaǵy jyldyń shilde aıynyń basynda Má­de­nıet úıin qoldanysqa berý jospary tur.

Al aýdandyq ishki saıasat, mádenıet, tilderdi damytý jáne sport bóliminiń bas­shysy Damır Kaıpovtyń sózinshe atalǵan nysanǵa 23 mln 159 myń teńgege mate­rıaldyq-tehnıkalyq bazany jabdyqtaý josparlanýda. Aýyldyq Mádenıet úıi qyzmetkerlerinen bólek ki­taphanashylar da osynda ornalasady. Mádenıet nysanyna 14 shtat birligi qarastyrylyp otyr. Jertólesinen trenajer zaly ashylyp, ol jerge tennıs ústelin ornatý da josparda bar. О́tken ǵasyrdyń 1967 jyldary salynǵan ǵımaratty «GradStroıServıs» JShS qazirgi zamanǵa saı órnektep, qalypqa keltiretin kún de alys emesteı.